ସାକାରିଙ୍କଠୁ ହାରିଲେ ସେରେନା

ନ୍ୟୁୟର୍କ: ଆମେରିକାରେ ଚାଲିଥିବା ୱେଷ୍ଟର୍ଣ୍ଣ ଆଣ୍ଡ ସଦର୍ଣ୍ଣ ଓପନ ଟେନିସ୍‌ ପ୍ରତିଯୋଗିତାରେ ମଙ୍ଗଳବାର ବଡ଼ ବିପର୍ଯ୍ୟୟ ଦେଖିବାକୁ ମିଳିଛି। ୨୩ ଥରର ଗ୍ରାଣ୍ଡସ୍ଲାମ୍‌ ବିଜେତା ସେରେନା ୱିଲିୟମ୍ସଙ୍କୁ ବିଶ୍ବର ୨୧ନମ୍ବର ମାନ୍ୟତାପ୍ରାପ୍ତ ମାରିଆ ସାକାରି ୫-୭, ୭-୬, ୬-୧ରେ ହରାଇଛନ୍ତି। ପ୍ରଥମ ସେଟ୍‌ରେ ସେରେନ୍‌ ୫-୨ରେ ଆଗୁଆ ଥିବାବେଳେ ସାକାରି ଏହାକୁ ବରାବର କରିଦେଇଥିଲେ। ତେବେ ସେ‌ରେନା ତୁରନ୍ତ ପ୍ରତ୍ୟାବର୍ତ୍ତନ କରି ସେଟ୍‌କୁ ନିଜ ପକ୍ଷରେ କରିପାରିଥିଲେ। ହେଲେ ଦ୍ବିତୀୟ ସେଟ୍‌ରେ ସେରେନା ଆରମ୍ଭରୁ ୩-୧ରେ ପଛୁଆ ରହିଯାଇଥିଲେ। କିନ୍ତୁ ଟାଇବ୍ରେକରରେ ସାକାରି ସେଟ୍‌କୁ ନିଜ ନାମରେ କରପାରିଥିଲେ। ନିର୍ଣ୍ଣାୟକ ସେଟ୍‌ରେ ସେରେନାଙ୍କୁ ଚାପରେ ରଖି ସାକାରି ୫-୦ରେ ଅଗ୍ରଣୀ ନେଇ ୬-୧ରେ ସେଟ୍‌ ଜିତିବା ସହ କ୍ବାର୍ଟର ଫାଇନାଲ୍‌ରେ ପ୍ରବେଶ କରିଥିଲେ। ତେବେ ଭଲ ଖେଳିନଥିଲେ ବି ଫଳାଫଳକୁ ନେଇ ସେ ସନ୍ତୁଷ୍ଟ ଥିବା ସାକାରି ମ୍ୟାଚ ପରେ ପ୍ରତିକ୍ରିୟା ରଖିଛନ୍ତି। କ୍ବାର୍ଟରରେ ସାକାରିଙ୍କ ମୁକାବିଲା ଜୋହାନା କୋଣ୍ଟାଙ୍କ ସହିତ ହେବ।