ଗମ୍ଭୀରଙ୍କ ଟିମରେ ସାମିଲ ହୋଇପାରନ୍ତି ଏହି ସବୁ ପୂର୍ବତନ ଖେଳାଳି

ନୂଆଦିଲ୍ଲୀ: ଭାରତୀୟ କ୍ରିକେଟ୍ ଦଳ ଖୁବ୍ ଶୀଘ୍ର ଶ୍ରୀଲଙ୍କା ଗସ୍ତରେ ଯିବ | ତେବେ ଟିମ୍ ଇଣ୍ଡିଆ ଯିବା ପୂର୍ବରୁ ମୁଖ୍ୟ ପ୍ରଶିକ୍ଷକ ଗୌତମ ଗମ୍ଭୀର ସୋମବାର ଏକ ସାମ୍ବାଦିକ ସମ୍ମିଳନୀ କରିପାରନ୍ତି । ଗମ୍ଭୀରଙ୍କ କୋଚିଂ ଟିମରେ କିଏ ଜଡିତ ହେବ ତାହା ଏପର୍ଯ୍ୟନ୍ତ ଜଣାପଡିନାହିଁ। କିନ୍ତୁ ଏକ ରିପୋର୍ଟ ଅନୁଯାୟୀ, ଗମ୍ଭୀରଙ୍କ କୋଚିଂ ଟିମରେ ଚାରିଜଣ ଭେଟେରାନ ରହିବେ। ଅଭିଷେକ ନାୟାରଙ୍କୁ ସହକାରୀ ପ୍ରଶିକ୍ଷକ କରାଯାଇପାରେ। ଦକ୍ଷିଣ ଆଫ୍ରିକାର ପୂର୍ବତନ ଖେଳାଳି ମର୍ନେ ମର୍କେଲ ମଧ୍ୟ ସାମିଲ ହୋଇପାରନ୍ତି । ଖବର ଅନୁଯାୟୀ ଗମ୍ଭୀରଙ୍କ ଦଳରେ ଦୁଇଜଣ ଆସିଷ୍ଟାଣ୍ଟ କୋଚ୍ ରହିପାରନ୍ତି। ଅଭିଷେକ ନାୟାରଙ୍କ ସହ ଏହି ଦାୟିତ୍ୱ ନେଦରଲ୍ୟାଣ୍ଡର ପୂର୍ବତନ ଖେଳାଳି ରିୟାନ୍ ଟେନ ଡୋସେଟଙ୍କୁ ଦିଆଯାଇପାରେ । ଡୋସେଟ ଏବଂ ନାୟାର ପୂର୍ବରୁ ଗମ୍ଭୀରଙ୍କ ସହ କାମ କରିଛନ୍ତି।

ଏହି ତିନିଜଣ ଆଇପିଏଲ ଟିମ କୋଲକାତା ନାଇଟ୍ ରାଇଡର୍ସରେ ଅଛନ୍ତି। ବର୍ତ୍ତମାନ ଟିମ୍ ଇଣ୍ଡିଆ ପାଇଁ କାମ କରିପାରନ୍ତି | ଦକ୍ଷିଣ ଆଫ୍ରିକାର ପୂର୍ବତନ କ୍ରିକେଟର ମର୍ନେ ମର୍କେଲ ମଧ୍ୟ ଭାରତର ନୂତନ ବୋଲିଂ ପ୍ରଶିକ୍ଷକ ହୋଇପାରନ୍ତି । ମର୍କେଲଙ୍କର ଭଲ କୋଚିଂ ଅଭିଜ୍ଞତା ଅଛି | ତାଙ୍କ କ୍ୟାରିୟର ମଧ୍ୟ ଉତ୍କୃଷ୍ଟ ରହିଛି | ଦକ୍ଷିଣ ଆଫ୍ରିକା ପାଇଁ ମର୍କେଲ ୧୧୭ଟି ଦିନିକିଆ ମ୍ୟାଚ୍ ଖେଳିଛନ୍ତି | ଏହି ଅବଧିରେ ୧୮୮ ୱିକେଟ୍ ନେଇଥିଲେ । ଏଥିସହ ସେ ୪୪ ଟି -୨୦ ମ୍ୟାଚରେ ୪୭ ୱିକେଟ୍ ନେଇଛନ୍ତି। ମର୍କେଲ ୮୬ଟି ଟେଷ୍ଟ ମ୍ୟାଚ୍ ମଧ୍ୟ ଖେଳିଛନ୍ତି। ଏଥିରେ ୩୦୯ ୱିକେଟ୍ ନେଇଛନ୍ତି।