ଏହି କାରଣରୁ ଛକା-ଚୌକା ବର୍ଷା ପରେ ବ୍ୟାଟ ଉପରେ ହେଲମେଟ ରଖନ୍ତି ହେଡ଼

ନୂଆଦିଲ୍ଲୀ: ନିଜର ଦମଦାର ବ୍ୟାଟିଂ ପାଇଁ ବର୍ତ୍ତମାନର ହାଇଦ୍ରାବାଦର ଟ୍ରାଭିସ୍ ହେଡ୍ ଚର୍ଚ୍ଚାରେ ରହିଛନ୍ତି | ସେ ଗତ ଶନିବାର ଦିଲ୍ଲୀ କ୍ୟାପିଟାଲସ ବିପକ୍ଷରେ ୩୨ ବଲରେ ୮୯ ରନର ଇନିଂସ ଖେଳିଥିଲେ। ଏହା ପୂର୍ବରୁ, ଏହି ସିଜିନରେ, ସେ ଆରସିବି ବିପକ୍ଷରେ ୩୯ ବଲରେ ଶତକ ହାସଲ କରି ଭାରତୀୟ ପ୍ରିମିୟର ଲିଗ୍ ଇତିହାସରେ ଚତୁର୍ଥ ଦ୍ରୁତତମ ଶତକ ସ୍କୋର କରିଥିଲେ। ଏହା ପରେ ସେ ନିଜ ବ୍ୟାଟ ଉପରେ ହେଲମେଟ ରଖି ନିଜର ଶତକକୁ ଏକ ନିଆରା ଢଙ୍ଗରେ ପାଳନ କରିଥିଲେ। ଅନେକ ଲୋକଙ୍କ ମନରେ ପ୍ରଶ୍ନ ଥିଲା ଯେ ସେ ଏମିତି କାହିଁକି କଲେ? ଯେତେବେଳେ ଟ୍ରାଭିସ୍ ହେଡଙ୍କୁ ପଚରାଗଲା ଯେ ଗୋଟିଏ ପଟେ ଅନେକ ବ୍ୟାଟ୍ସମ୍ୟାନ୍ ଶତକ ଇନିଂସକୁ ଅନନ୍ୟ ଉପାୟରେ ପାଳନ କରନ୍ତି, କିନ୍ତୁ ସେ ଶାନ୍ତ ରହିବାର କାରଣ କ’ଣ?

ହେଡ କହିଛନ୍ତି ଯେ କିଛି ବର୍ଷ ପୂର୍ବେ ତାଙ୍କର ଜଣେ ଭଲ ବନ୍ଧୁ ଫିଲିପ ହ୍ୟୁଜଙ୍କ ବଲରେ ମୁଣ୍ଡରେ ଆଘାତ ଲାଗି ମୃତ୍ୟୁ ଘଟିଥିଲା। ସେଥିପାଇଁ ଯେତେବେଳେ ବି ଟ୍ରାଭିସ୍ ହେଡ୍ ନିଜ ବ୍ୟାଟରେ ଏକ ଶତକ ସ୍କୋର କରନ୍ତି, ସେ ଫିଲିପ ହ୍ୟୁଜଙ୍କୁ ଶହୀଦ ଭାବରେ ସମ୍ମାନିତ କରନ୍ତି | ସୂଚନା ଥାଉ କି ଯେ ୨୦୧୯ ମସିହାରେ ଟ୍ରାଭିସ୍ ହେଡ୍ ଶ୍ରୀଲଙ୍କା ବିପକ୍ଷ ଟେଷ୍ଟ ମ୍ୟାଚରେ ନିଜର ପ୍ରଥମ ଶତକ ହାସଲ କରିଥିଲେ। ସେ ମଧ୍ୟ ସେହି ଶତକ ଇନିଂସକୁ ଫିଲିପ ହ୍ୟୁଜଙ୍କୁ ଉତ୍ସର୍ଗ କରିଥିଲେ। ବାସ୍ତବରେ ୨୫ ନଭେମ୍ବର, ୨୦୧୪ ମସିହାରେ ଅଷ୍ଟ୍ରେଲିଆର ସ୍ୱେଫିଲଡ ସୀଲଡ଼ରେ ଫିଲିପ ହ୍ୟୁଜ ଖେଳୁଥିଲେ | କିନ୍ତୁ ଶନ୍ ଆବଟ୍ଟଙ୍କ ଦ୍ୱାରା ଫିଙ୍ଗାଯାଇଥିବା ବାଉନ୍ସର୍ ବଲ୍ ତାଙ୍କ ହେଲମେଟରେ ବାଜିଥିଲା | ଆଉ ପଡିଆରେ ହିଁ ସେ ପଡିଯାଇଥିଲେ | ଏହାପରେ ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା | ତେବେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ |