ବୈଭବ ସୂର୍ଯ୍ୟବଂଶୀ କେତେ ସମ୍ପତ୍ତିର ମାଲିକ ଜାଣନ୍ତୁ

ନୂଆଦିଲ୍ଲୀ: ଆଇପିଏଲ ଇତିହାସର ସବୁଠାରୁ ଯୁବ ଖେଳାଳି ବୈଭବ ସୂର୍ଯ୍ୟବଂଶୀ  ତାଙ୍କ ବୟସ ଏବଂ ରେକର୍ଡ ପାଇଁ ଚର୍ଚ୍ଚାର ପରିସରରେ ରହିଛନ୍ତି। 

ରାଜସ୍ଥାନ ରୟାଲ୍ସରେ ସାମିଲ ହୋଇଥିବା ୧୪ବର୍ଷୀୟ ବୈଭବଙ୍କ ନାମ ଏବେ ପ୍ରତ୍ୟେକ କ୍ରିକେଟ ପ୍ରେମୀଙ୍କ ଓଠରେ ଅଛି। ବୈଭବ ଗୁଜରାଟ ଟାଇଟାନ୍ସ ବିପକ୍ଷରେ ୩୫ବଲରେ ଶତକ ହାସଲ କରି ସମସ୍ତଙ୍କୁ ଚକିତ କରି ଦେଇଛନ୍ତି। 

ଏହି କ୍ରମରେ ବୈଭବଙ୍କ ସମ୍ପତ୍ତି ଏବଂ ତାଙ୍କ ପରିବାର ବିଷୟରେ ଲୋକେ ଜାଣିବାକୁ ଇଚ୍ଛା ପ୍ରକାଶ କରିଛନ୍ତି। ବୈଭବ ସୂର୍ଯ୍ୟବଂଶୀ ୨୭ ମାର୍ଚ୍ଚ ୨୦୧୧ ମସିହାରେ ଭାରତର ବିହାରର ସମସ୍ତିପୁର ଜିଲ୍ଲାର ମୋତିପୁର ଗାଁରେ ଜନ୍ମଗ୍ରହଣ କରିଥିଲେ। ସେ ମାତ୍ର ୯ ବର୍ଷ ବୟସରେ କ୍ରିକେଟ ଖେଳିବା ଆରମ୍ଭ କରିଥିଲେ। ପ୍ରାରମ୍ଭରେ ବାପା ସଞ୍ଜୀବ ସୂର୍ଯ୍ୟବଂଶୀ ବୈଭବଙ୍କୁ ପ୍ରଶିକ୍ଷଣ ଦେଇଥିଲେ।

ରାଜସ୍ଥାନ ରୟାଲ୍ସ ବୈଭବ ସୂର୍ଯ୍ୟବଂଶୀଙ୍କୁ ନିଲାମରେ ୧.୧ କୋଟି ଟଙ୍କାରେ କିଣିଥିଲା। ଏହାପରେ ତାଙ୍କୁ ଲକ୍ଷ୍ନୌ ବିପକ୍ଷରେ ଆଇପିଏଲ ଡେବ୍ୟୁ କରିବାର ସୁଯୋଗ ମିଳିଥିଲା। 

ରିପୋର୍ଟ ଅନୁସାରେ, ଆଇପିଏଲର ସବୁଠାରୁ ଯୁବ ଖେଳାଳିଙ୍କୁ ଏବେ ବ୍ରାଣ୍ଡ ଅନୁମୋଦନ ପାଇଁ ଅଫର ମିଳିବା ଆରମ୍ଭ ହୋଇଛି। ବର୍ତ୍ତମାନ  ତାଙ୍କର ମୋଟ ସମ୍ପତ୍ତିର ଏକ ପ୍ରମୁଖ ଅଂଶ ଆଇପିଏଲ ଆୟରୁ ଆସୁଛି। ତାଙ୍କର ମୋଟ ସମ୍ପତ୍ତି ପ୍ରାୟ ୨ କୋଟି ଟଙ୍କା ହେବ ବୋଲି କୁହାଯାଉଛି। 

ବୈଭବ  ୩୫ ବଲରେ ଶତକ ମାରିବା ପାଇଁ ବିହାରର ମୁଖ୍ୟମନ୍ତ୍ରୀ ରାଜ୍ୟ ସରକାରଙ୍କ ପକ୍ଷରୁ ୧୦ ଲକ୍ଷ ଟଙ୍କାର ପୁରସ୍କାର ଘୋଷଣା କରିଛନ୍ତି।