ବୈଭବଙ୍କ ବୟସକୁ ନେଇ ପରିହାସ କରିବା ପରେ ଟ୍ରୋଲ ହେଲେ ବିଜେନ୍ଦର ସିଂହ

ନୂଆଦିଲ୍ଲୀ: ରାଜସ୍ଥାନ ରୟାଲ୍ସର ଖେଳାଳି ବୈଭବ ସୂର୍ଯ୍ୟବଂଶୀ ତାଙ୍କ ବୟସ ପାଇଁ ଆରମ୍ଭରୁ ଚର୍ଚ୍ଚା ଓ ସମାଲୋଚନା ଉଭୟର ଶିକାର ହୋଇଛନ୍ତି। ଆଇପିଏଲରେ ଦ୍ୱିତୀୟ ଦ୍ରୁତତମ ଶତକ ହାସଲ କରିବା ପରେ ଲୋକମାନେ ବୈଭବଙ୍କ ପ୍ରତିଭାକୁ ଭୁରିଭୁରି ପ୍ରଶଂସା କରୁଛନ୍ତି। 

ବିଜେନ୍ଦର ସିଂହ ବୈଭବଙ୍କ ବୟସ ବିଷୟରେ ସୋସିଆଲ ମିଡିଆରେ ପୋଷ୍ଟ କରି ଲେଖିଥିଲେ, "ଭାଇ ଆଜିକାଲି ବୟସ କମ କରି କ୍ରିକେଟ ଖେଳିବା ଆରମ୍ଭ କରିଛନ୍ତି।"

ପୋଷ୍ଟରେ ପୂର୍ବତନ ବକ୍ସର ବୈଭବ ସୂର୍ଯ୍ୟବଂଶୀଙ୍କ ନାମ ଉଲ୍ଲେଖ ନଥିଲା କିନ୍ତୁ ଏହା ସ୍ପଷ୍ଟ ଯେ ସେ ତାଙ୍କ ବିଷୟରେ ହିଁ କହୁଥିଲେ। 

କାରଣ ନିଲାମରେ ରାଜସ୍ଥାନ ରୟାଲ୍ସ ଦ୍ୱାରା ତାଙ୍କୁ କିଣିବା ପରଠାରୁ ବୈଭବ ସୂର୍ଯ୍ୟବଂଶୀଙ୍କ ବୟସ ବିଷୟରେ ପ୍ରଶ୍ନ ଉଠାଯାଉଛି।। ବିଜେନ୍ଦର ସିଂହଙ୍କ ଏଭଳି ପୋଷ୍ଟ ପରେ ଲୋକେ ତାଙ୍କୁ ଟ୍ରୋଲ୍ କରିବା ଆରମ୍ଭ କରିଛନ୍ତି।

ସୋସିଆଲ ମିଡିଆ ବ୍ୟବହାରକାରୀ ଟ୍ରୋଲ କରି କହିଛନ୍ତି "ବିଜେନ୍ଦ୍ର, ହୁଏତ ଏହି କାରଣରୁ ତୁମେ ସ୍ୱର୍ଣ୍ଣ ପଦକ ଜିତିପାରିଲ ନାହିଁ। ତୁମେ ନିଜ ଅପେକ୍ଷା ଅନ୍ୟମାନଙ୍କ ପ୍ରତି ଅଧିକ ଧ୍ୟାନ ଦିଅ। ତାହା ମଧ୍ୟ ଏକ ଛୋଟ ପିଲା ପ୍ରତି, ଯିଏ କି ତୁମ କ୍ଷେତ୍ରର ହିଁ ନୁହେଁ। ତୁମେ କେବେ ଏହି କ୍ଷେତ୍ରକୁ ଯାଇପାରିବ ବି ନାହିଁ। ମୋତେ ତୁମର ଚିନ୍ତାଧାରା ଉପରେ ଦୟା ଆସୁଛି।"