ରାଜ୍ୟର ୨,୬୦୩ଟି ଗାଁରେ ମୋବାଇଲ ସଂଯୋଗ ନାହିଁ, ସମସ୍ତଙ୍କ ପାଇଁ ନେଟୱାର୍କ ସୁନିଶ୍ଚିତ କରିବ ଡିବିଏନ ପ୍ରକଳ୍ପ: ମନ୍ତ୍ରୀ

ଭୁବନେଶ୍ୱର: ଡିଜିଟାଲ୍ ପ୍ରଯୁକ୍ତିର ପ୍ରସାର ସତ୍ତ୍ୱେ, ଓଡ଼ିଶାର ୨,୬୦୩ ଗାଁରେ ମୋବାଇଲ୍ ସଂଯୋଗ ନାହିଁ ବୋଲି ସୋମବାର ରାଜ୍ୟ ବିଧାନସଭାରେ ସୂଚନା ଦିଆଯାଇଛି।

ବିଧାୟକ ରମେଶ ଚନ୍ଦ୍ର ବେହେରାଙ୍କ ଏକ ପ୍ରଶ୍ନର ଉତ୍ତର ଦେଇ ଇଲେକ୍ଟ୍ରୋନିକ୍ସ ଏବଂ ଆଇଟି ମନ୍ତ୍ରୀ ମୁକେଶ ମହାଲିଙ୍ଗ ଏହି ସୂଚନା ଦେଇଛନ୍ତି। ରାଜ୍ୟର ମୋଟ ୫୧,୧୬୭ ଗ୍ରାମ ମଧ୍ୟରୁ ୨,୬୦୩ଟି ଗ୍ରାମକୁ ମୋବାଇଲ ସଂଯୋଗ ନାହିଁ ବୋଲି ମନ୍ତ୍ରୀ ଗୃହରେ ସୂଚନା ଦେଇଛନ୍ତି।

ଅଧିକ ପଢ଼ନ୍ତୁ: ଆଗାମୀ ୨ ଦିନ ପାଇଁ ୬ ଜିଲ୍ଲାରେ ଗ୍ରୀଷ୍ମ ପ୍ରବାହ ପୂର୍ବାନୁମାନ: ସତର୍କ ସୂଚନା ଜାରି

ସେ କହିଛନ୍ତି ଯେ, ଓଡ଼ିଶା ସରକାରଙ୍କ ସମନ୍ୱୟରେ କେନ୍ଦ୍ର ସରକାରଙ୍କ ଡିଜିଟାଲ୍ ଭାରତ ନିଧି (ଡିଏନବି) ପ୍ରକଳ୍ପ ମାଧ୍ୟମରେ ରାଜ୍ୟର ସମସ୍ତ ଗ୍ରାମରେ ମୋବାଇଲ୍ ସଂଯୋଗ ଯୋଗାଇବା ପାଇଁ ପ୍ରାୟ ୪,୨୧୦ ମୋବାଇଲ୍ ଟାୱାର ସ୍ଥାପନ କରାଯିବାର ପ୍ରସ୍ତାବ ଦିଆଯାଇଥିଲା। ସମ୍ପ୍ରତି ରାଜ୍ୟରେ ୨,୫୭୨ ମୋବାଇଲ୍ ଟାୱାର କାର୍ଯ୍ୟକ୍ଷମ ଅଛି।

ମନ୍ତ୍ରୀ କହିଛନ୍ତି ଯେ, ଅବଶିଷ୍ଟ ଟାୱାରଗୁଡ଼ିକ ଜୁନ୍ ୨୦୨୫ ସୁଦ୍ଧା କାର୍ଯ୍ୟକ୍ଷମ ହେବାର ଯୋଜନା ରହିଛି। ଯାହା ଦ୍ବାରା ରାଜ୍ୟବ୍ୟାପୀ ସାର୍ବଜନୀନ ମୋବାଇଲ୍ ସଂଯୋଗ ସୁନିଶ୍ଚିତ ହୋଇ ପାରିବ।

ଅଧିକ ପଢ଼ନ୍ତୁ: ୮ ମାସରେ ୨୦ ହଜାରରୁ ଅଧିକ ନିଖୋଜ ମାମଲା, ୭,୦୪୮ ଜଣଙ୍କ ସନ୍ଧାନ ମିଳିଛି: ମୁଖ୍ୟମନ୍ତ୍ରୀ