ଲିଙ୍ଗରାଜ ମନ୍ଦିରରେ ମହାଶିବରାତ୍ରି ପାଇଁ ୪୦ ପ୍ଲାଟୁନ୍ ପୁଲିସ ମୁତୟନ ହେବେ

ଭୁବନେଶ୍ୱର: ଫେବ୍ରୁଆରି ୨୬ ତାରିଖରେ ମହାଶିବରାତ୍ରୀ ପାଳନ ପାଇଁ ଭୁବନେଶ୍ୱରର ଐତିହାସିକ ୧୧ ଶତାବ୍ଦୀର ଲିଙ୍ଗରାଜ ମନ୍ଦିରରେ  ୪୦ ପ୍ଲାଟୁନ ପୁଲିସ ମୁତୟନ କରାଯିବେ।

ମଙ୍ଗଳବାର ଦିନ ଭୁବନେଶ୍ୱରର  ଡେପୁଟି ପୁଲିସ କମିସନର (ଡିସିପି)  ପିନାକ ମିଶ୍ର ଏସମ୍ପର୍କରେ  ସୂଚନା ପ୍ରଦାନ କରିଛନ୍ତି। ଗଣମାଧ୍ୟମକୁ ସମ୍ବୋଧିତ କରି ଡିସିପି କହିଛନ୍ତି ମହାଶିବରାତ୍ରି ପାଇଁ ବ୍ୟାପକ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି।

ଆସନ୍ତାକାଲି ବୁଧବାର ଲକ୍ଷାଧିକ ଶ୍ରଦ୍ଧାଳୁ ଲିଙ୍ଗରାଜ ମନ୍ଦିରକୁ ପୂଜା କରିବା ପାଇଁ ଆସିବେ ବୋଲି ଆଶା କରାଯାଉଛି। ଟ୍ରାଫିକ୍ ପରିଚାଳନା, ଏବଂ ସୁରକ୍ଷା ପାଇଁ ଆମେ ପୂର୍ବରୁ ସମସ୍ତ ଆବଶ୍ୟକୀୟ ବ୍ୟବସ୍ଥା କରିସାରିଛୁ। ଅଗ୍ନିଶମ ବାହିନୀ ସମେତ ଜରୁରୀକାଳୀନ ସେବାର ମଧ୍ୟ ବ୍ୟବସ୍ଥା କରାଯାଇଛି ବୋଲି ସେ କହିଛନ୍ତି।

ସେ ଉଲ୍ଲେଖ କରିଛନ୍ତି ଯେ, ବୁଧବାର ଲିଙ୍ଗରାଜ ମନ୍ଦିରରେ  ୪୦ ପ୍ଲାଟୁନ୍ ପୁଲିସ ବାହିନୀ ଏବଂ ବିଭିନ୍ନ ପଦର ୧୦୦ରୁ ଅଧିକ ପୁଲିସ ଅଧିକାରୀ ଉପସ୍ଥିତ ରହିବେ।

ଅଧିକ ପଢ଼ନ୍ତୁ: ମାର୍ଚ୍ଚ ୩୧ ପୂର୍ବରୁ ବିଜେପି ରାଜ୍ୟ ସଭାପତି ନାଁ ହେବ ଘୋଷଣା କରାଯିବ

ସେ କହିଛନ୍ତି, ପୁଲିସଙ୍କ କାର୍ଯ୍ୟ ବୁଧବାର ସକାଳୁ ଆରମ୍ଭ ହେବ ଏବଂ ଦିନସାରା ଜାରି ରହିବ। ଆମେ ଜନସାଧାରଣଙ୍କୁ ପୁଲିସ ସହିତ ସହଯୋଗ କରିବାକୁ ଅନୁରୋଧ କରୁଛୁ। ଆମର ଲକ୍ଷ୍ୟ ହେଉଛି ଏହି ବିଶ୍ୱ ପ୍ରସିଦ୍ଧ ମହାଶିବରାତ୍ରି ଉତ୍ସବ ଯେପରି ସୁରକ୍ଷିତ ଭାବରେ ସମ୍ପନ୍ନ ହେବ ତାହା ନିଶ୍ଚିତ କରିବା। 

ଠିକ୍ ସମୟରେ କିପରି ଭାବେ ମହାଦୀପ ଉଠିବ ସମସ୍ତ ନୀତିକାନ୍ତି ସୁଚାରୁ ରୁପେ ହେବ ସେ ନେଇ ସେବାୟତମାନକୁ ଏହି ବୈଠକରେ କୁହାଯାଇଛି । ରାତି ୧୦ରେ ମହାଦୀପ ଉଠିବାକୁ ନିଷ୍ପତି ହୋଇଛି। ଶ୍ରଦ୍ଧାଳୁ କିଭଳି ଭାବେ  ଦର୍ଶନ କରିବେ ଏବଂ ଦୀପ ଜାଳିବେ ସେ ନେଇ ବ୍ୟାପକ ବ୍ୟବସ୍ଥା କରାଯାଇଛି ।

ଏହାପୂର୍ବରୁ ସୁରକ୍ଷା ବ୍ୟବସ୍ଥାକୁ କମିସନରେଟ ପୁଲିସ ଯାଞ୍ଚ୍ କରିଛି । ଶ୍ରଦ୍ଧାଳୁଙ୍କ ସୁରକ୍ଷା ଓ ସୁପରିଚଳନ ପାଇଁ ପୁଲିସ ନିୟୋଜିତ ହେବେ ବୋଲି ପୋଲିସ କମିସନର କହିଛନ୍ତି ।  ଏହାସହ ମନ୍ଦିର ଭିତରେ ଓ ବାହାରେ ୧୦୦ ସିସି ଟିଭି ଭିତରେ ରହିବ। ମନ୍ଦିର ପାଖରେ ଚୋରି ଓ ଛିନତାଇ ରୋକିବା ପାଇଁ ସ୍ବତନ୍ତ୍ର ବ୍ୟବସ୍ଥା ହୋଇଛି। ମହିଳାମାନଙ୍କ ପାଇଁ ହର୍ ଟିମ୍  କାର୍ଯ୍ୟ କରୁଛି । ଦୀପ ନିଆଁରୁ ଯେପରି ଅଘଟଣ ନ ଘଟିବ ସେଥିପାଇଁ ଅଗ୍ନିଶମ ବାହିନୀ ସଜାଗ ଅଛନ୍ତି ।

ଟ୍ରାଫିକ ନିୟନ୍ତ୍ରଣ ପାଇଁ ମଧ୍ୟ ବ୍ଲୁ ପ୍ରିଣ୍ଟ ପ୍ରସ୍ତୁତ ହୋଇଛି। ମନ୍ଦିରରେ ଧାଡ଼ି ଦର୍ଶନ ପାଇଁ ଲୁହା ବ୍ୟାରିକେଡ ସହ ଖରାରୁ ରକ୍ଷା ପାଇବା ପାଇଁ ଉପର କପଡ଼ା ସିଲିଂ ସହ ପଙ୍ଖା ଲଗାଯାଇଛି । ମନ୍ଦିର ଚାରିପାଖ ଓ ଜଗମୋହନ ସହ ସମ୍ପୂର୍ଣ୍ଣ ମନ୍ଦିରକୁ ଆଲୋକିକରଣ କରାଯାଇଛି । ଲିଙ୍ଗରାଜଙ୍କ ସିଂହ ଦ୍ବାରକୁ ଫୁଲରେ ସୁସଜିତ କାରାଯାଇଛି ।

ଅଧିକ ପଢ଼ନ୍ତୁ: ଧାନକିଣା ପାଇଁ ଧାର୍ଯ୍ୟ ଲକ୍ଷ୍ୟର ୯୦ ପ୍ରତିଶତ ଧାନ ନେଇସରିଲାଣି ରାଜ୍ୟ ସରକାର: ମନ୍ତ୍ରୀ କୃଷ୍ଣଚନ୍ଦ୍ର ପାତ୍ର