ବଜ୍ରପାତରେ ୭ ଛେଳି ମୃତ

ଯୁଯୁମୁରା: ଯୁଯୁମୁରା ବ୍ଲକ ଗଡ଼ଲୋଇସିଂହ ପଞ୍ଚାୟତ ଜାମୁଜୁରି ଅଞ୍ଚଳରେ ରବିବାର ଅପରାହ୍ନ ୨.୩୦ରେ ବଜ୍ରପାତ ଘଟି ୭ଟି ଛେଳିଙ୍କ ସହ ଗୋଟିଏ କୁକୁରର ମୃତ୍ୟୁ ଘଟିଥିବା ଜଣାପଡ଼ିଛି। ପ୍ରାପ୍ତ ସୂଚନାନୁଯାୟୀ ଜାମୁଜୁରି ମିସ୍ତ୍ରିପଡ଼ାର ଉଫାନ ସାମଦଙ୍କ ୬ଟି ଓ ଆଛାଏ ଲୁଗୁନଙ୍କ ଗୋଟିଏ ଛେଳି ଗାଁ’ ବାହାରେ ଚରୁଥିଲେ।

ଏହି ସମୟରେ ବଜ୍ରପାତ ହେବାରୁ ଘଟଣା ସ୍ଥଳରେ ହିଁ ଛେଳିମାନଙ୍କ ମୃତ୍ୟୁ ହୋଇଥିଲା। ତେବେ ସେଠାରେ ଥିବା ଏକ କୁକୁରର ମଧ୍ୟ ମୃତ୍ୟୁ ଘଟିଥିବା ଜଣାପଡ଼ିଛି।