ଭୁବନେଶ୍ୱର: ବାଙ୍କି ମାଳବିହାରାପୁରର ପିକଅପ୍ ଭ୍ୟାନ୍ ଓଲଟିବା ଘଟଣାରେ ମୃତ ଛାତ୍ରଙ୍କ ପରିବାର ପାଇଁ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ୫ ଲକ୍ଷ ଟଙ୍କାର ଅନୁକମ୍ପାମୂଳକ ସହାୟତା ଘୋଷଣା କରିଛନ୍ତି। ସେ ପରିବାର ପ୍ରତି ସମବେଦନା ଜଣାଇଛନ୍ତି।
ସୋସିଆଲ ମିଡ଼ିଆ ଏକ୍ସରେ ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟ ପକ୍ଷରୁ ମୋହନ ଚରଣ ମାଝୀ ସୂଚନା ଦେଇଛନ୍ତି, ମୁଖ୍ୟମନ୍ତ୍ରୀଙ୍କ ରିଲିଫ ପାଣ୍ଠିରୁ ୩ ଲକ୍ଷ ଟଙ୍କା ଏବଂ ଶିକ୍ଷା ବିଭାଗର ରିଲିଫ ପାଣ୍ଠିରୁ ୨ ଲକ୍ଷ ଟଙ୍କା ଅନୁକମ୍ପାମୂଳକ ସହାୟତା ଘୋଷଣା କରିଛନ୍ତି।
ଚିକିତ୍ସିତ ହେଉଥିବା ଆହତ ଛାତ୍ରଛାତ୍ରୀମାନଙ୍କ ପାଇଁ ସର୍ବୋତ୍ତମ ଚିକିତ୍ସା ସୁବିଧା ଯୋଗାଇ ଦିଆଯିବ ବୋଲି ସେ କହିଛନ୍ତି।
ଆହତ ଓ ଗୁରୁତର ଆହତମାନଙ୍କୁ ଚିକିତ୍ସା ଲାଗି ଏସସିବି ମେଡିକାଲ କଲେଜ ଏବଂ ହସ୍ପିଟାଲ (ଏସସିବି ଏମସିଏଚ)ରେ ଭର୍ତ୍ତି କରାଯାଇଛି।
ବାଙ୍କି ମାଳବିହାରପୁର ପିକ୍ ଅପ୍ ଭ୍ୟାନ୍ ଓଲଟି ଛାତ୍ର ମୃତ୍ୟୁ ଘଟଣାରେ ମୁଖ୍ୟମନ୍ତ୍ରୀ ଶ୍ରୀ @MohanMOdisha ଗଭୀର ଶୋକ ପ୍ରକାଶ କରିବା ସହ ଦୁର୍ଘଟଣାରେ ମୃତକଙ୍କ ପରିବାର ପ୍ରତି ସମବେଦନା ଜଣାଇଛନ୍ତି। ରାଜ୍ୟ ସରକାରଙ୍କ ପକ୍ଷରୁ ମୁଖ୍ୟମନ୍ତ୍ରୀ ରିଲିଫ୍ ପାଣ୍ଠିରୁ ₹୩ଲକ୍ଷ ଏବଂ ଶିକ୍ଷା ବିଭାଗ ପକ୍ଷରୁ ₹୨ଲକ୍ଷ ଅନୁକମ୍ପାମୂଳକ ସହାୟତା…
— CMO Odisha (@CMO_Odisha) January 26, 2025
ଅଧିକ ପଢ଼ନ୍ତୁ: ପୂର୍ବ ସରକାର ସମୟରେ ଓଡ଼ିଶା ଅଭିଶପ୍ତ ଥିଲା: ମନମୋହନ ସାମଲ
ସୂଚନାଯୋଗ୍ୟ, ରବିବାର ଦିନ ୨୫ ଛାତ୍ରଛାତ୍ରୀଙ୍କୁ ନେଇ ଏକ ପିକଅପ୍ ଭ୍ୟାନ୍ ପରେଡ ପଡିଆକୁ ଯାଉଥିବା ବେଳେ ଗାଡିଟି ରାସ୍ତା କଡ଼କୁ ଓଲଟି ପଡିଥିଲା। ରିପୋର୍ଟରେ କୁହାଯାଇଛି ଯେ, ଗାଡିର ଆଗ ଚକ ଖୋଲି ଯାଇଥିବାରୁ ଏହି ଅଘଟଣ ଘଟିଥିଲା।
ଅଧିକ ପଢ଼ନ୍ତୁ: ପରେଡ୍ରେ ଅଂଶଗ୍ରହଣ କରିବାକୁ ଯିବାବେଳେ ଦୁର୍ଘଟଣା: ଜଣେ ଛାତ୍ର ମୃତ, ୨୩ ଆହତ