ଭୁବନେଶ୍ବର: ସାଂଗଠନିକ ଢାଞ୍ଚାକୁ ସୁଦୃଢ଼ କରିବା ପାଇଁ ଏକ ରଣନୈତିକ ପଦକ୍ଷେପ ସ୍ୱରୂପ, ବିଜୁ ଜନତା ଦଳ (ବିଜେଡି) ବିଭିନ୍ନ ଆଗଧାଡ଼ିର ଶାଖା ଏବଂ ସେଲ୍ଗୁଡ଼ିକର ନେତୃତ୍ୱ ନେବା ପାଇଁ ବରିଷ୍ଠ ନେତାମାନଙ୍କୁ ନିଯୁକ୍ତ କରିଛି।
ବିଜୁ ଜନତା ଦଳ ପକ୍ଷରୁ ଦଳର ୭୧ ଜଣିଆ ରାଜ୍ୟ ପଦାଧିକାରୀଙ୍କ ଏକ ନୂତନ ଦଳ ଘୋଷଣା କରାଯାଇଛି। ସେମାନଙ୍କ ମଧ୍ୟରେ ସାତ ଜଣ ବରିଷ୍ଠ ଉପସଭାପତି, ଆଠ ଜଣ ଉପସଭାପତି, ୨୦ ଜଣ ବରିଷ୍ଠ ସାଧାରଣ ସମ୍ପାଦକ, ୩୧ ଜଣ ସାଧାରଣ ସମ୍ପାଦକ ଏବଂ ଜଣେ କୋଷାଧ୍ୟକ୍ଷ ଅନ୍ତର୍ଭୁକ୍ତ ଅଛନ୍ତି।
ଏହି ନିଯୁକ୍ତିର ଲକ୍ଷ୍ୟ ହେଉଛି ଦଳୀୟ କାର୍ଯ୍ୟକୁ ସୁଗମ କରିବା ଏବଂ ପ୍ରମୁଖ କ୍ଷେତ୍ରଗୁଡ଼ିକରେ ପ୍ରୟାସକୁ କ୍ରିୟାଶୀଳ କରିବା।
ସଭାପତି ଶ୍ରୀ @Naveen_Odisha ଙ୍କ ଅଧ୍ୟକ୍ଷତାରେ ବିଜୁ ଜନତା ଦଳର ରାଜନୈତିକ ବ୍ୟାପାର କମିଟି ଗଠନ ହୋଇଛି।#BJDWithOdisha#BJD4Odishapic.twitter.com/6McykCPeH0
— Biju Janata Dal (@bjd_odisha) May 5, 2025
ସାଂଗଠନିକ ଢାଞ୍ଚାକୁ ସୁଦୃଢ଼ କରିବା ପାଇଁ ଦଳର ରାଜନୈତିକ ବ୍ୟାପାର କମିଟିରେ ୧୦ ଜଣ ସଦସ୍ୟଙ୍କୁ ନିଯୁକ୍ତ କରାଯାଇଛି। ନବୀନ ପଟ୍ଟନାୟକ କମିଟିର ଅଧ୍ୟକ୍ଷ ଥିବାବେଳେ ଅନ୍ୟ ୯ ଜଣ ସଦସ୍ୟ ନିଯୁକ୍ତ ହୋଇଛନ୍ତି। ଅନ୍ୟ ୯ ଜଣ ସଦସ୍ୟମାନଙ୍କ ମଧ୍ୟରେ ବିକ୍ରମ କେଶରି ଆରୁଖ, ପ୍ରମିଳା ମଲ୍ଲିକ, ନିରଞ୍ଜନ ପୂଜାରୀ, ସଞ୍ଜୟ କୁମାର ଦାସବର୍ମା, ପ୍ରଣବ ପ୍ରକାଶ ଦାସ, ସୁଦାମ ମାରାଣ୍ଡି, ଟୁକୁନି ସାହୁ, ସସ୍ମିତ ପାତ୍ର, ସନ୍ତ୍ରୁପ୍ତ ମିଶ୍ର ପ୍ରମୁଖ ରହିଛନ୍ତି।
ଦଳର ୧୦ଟି ପ୍ରମୁଖ ଶାଖାର ଆବାହକଙ୍କ ନାମ ମଧ୍ୟ ଘୋଷଣା କରାଯାଇଛି। ବିଜୁ କୃଷକ ଜନତା ଦଳର ଉପସଭାପତି ଭାବେ ପ୍ରସନ୍ନ ଆଚାର୍ଯ୍ୟଙ୍କୁ ଦାୟିତ୍ବ ପ୍ରଦାନ କରାଯାଇଛି। ଅନଙ୍ଗ ଉଦୟ ସିଂହ ଦେଓ ଆଞ୍ଚଳିକ ବିକାଶ ସେଲ୍ର ଦାୟିତ୍ୱ ଗ୍ରହଣ କରିଛନ୍ତି। ଯାହା ସମଗ୍ର ଓଡ଼ିଶାରେ ଦଳର ସନ୍ତୁଳିତ ଅଭିବୃଦ୍ଧିକୁ ସୁନିଶ୍ଚିତ କରିବ। ରଣେନ୍ଦ୍ର ପ୍ରତାପ ସ୍ୱାଇଁ ବିଜେଡ଼ି ସମବାୟ ସେଲର ତଦାରଖ କରିବେ। ତାଙ୍କ ନେତୃତ୍ବରେ ସମବାୟ ପଦକ୍ଷେପକୁ ସୁଦୃଢ଼ କରାଯିବ।
ସଭାପତି ଶ୍ରୀ @Naveen_Odisha ଙ୍କ ଅନୁମୋଦନକ୍ରମେ ବିଜୁ ଜନତା ଦଳର ବିଭିନ୍ନ ଛାମୁଆ ସଙ୍ଗଠନ/ସେଲର ଆବାହକଙ୍କ ନାମ ଘୋଷଣା ହୋଇଛି।#BJDWithOdisha#BJD4Odishapic.twitter.com/MBmfxK3A3Q
— Biju Janata Dal (@bjd_odisha) May 5, 2025
ଦଳୀୟ ଶିକ୍ଷା ବ୍ୟାପାର ପାଇଁ, ବଦ୍ରି ନାରାୟଣ ପାତ୍ରଙ୍କୁ ଶିକ୍ଷା ଓ ଶିକ୍ଷାକା ସେଲର ମୁଖ୍ୟ ନିଯୁକ୍ତ କରାଯାଇଛି। ଡ. ରମେଶ ଚନ୍ଦ୍ର ଚାୟୁ ପଟ୍ଟନାୟକଙ୍କୁ ବିଜେଡ଼ି ମତ୍ସ୍ୟଜୀବୀ ସେଲର ପରିଚାଳନା କରିବେ। ସେ ମତ୍ସ୍ୟଜୀବୀ ସମ୍ପ୍ରଦାୟର ଅଧିକାର ଏବଂ କଲ୍ୟାଣ ପାଇଁ କାର୍ଯ୍ୟ କରିବେ। ମଙ୍ଗଳା କିଷାନଙ୍କୁ ବିଜେଡ଼ି ଆଦିବାସୀ ସେଲର ସଂଯୋଜକ ନିଯୁକ୍ତ କରାଯାଇଛି। ସେ ଆଦିବାସୀ ସଶକ୍ତିକରଣ ପ୍ରୟାସକୁ ଆହୁରି ମଜବୁତ କରିବ।
ସେହିପରି ଦେବାଶିଷ ସାମନ୍ତରାୟଙ୍କୁ ବିଜେଡ଼ି ବରିଷ୍ଠ ନାଗରିକ ସେଲ୍ ଦାୟିତ୍ବ ପ୍ରଦାନ କରାଯାଇଛି। ଡ. ଅରୁଣ କୁମାର ସାହୁଙ୍କୁ ବିଜେଡ଼ି ଓବିସି ସେଲ୍ ଏବଂ ମହେଶ ସାହୁଙ୍କୁ ଏସ୍ସି ସେଲ୍ ଦାୟିତ୍ବ ପ୍ରଦାନ କରାଯାଇଛି। ଯାହା ଦ୍ୱାରା ଅବହେଳିତ ସମ୍ପ୍ରଦାୟ ପାଇଁ ପଦକ୍ଷେପ ସୁନିଶ୍ଚିତ କରାଯିବ। ଅମର ପଟ୍ଟନାୟକଙ୍କୁ ଆଇଟି ଏବଂ ସୋସିଆଲ ମିଡିଆ ସେଲ୍ ତଦାରଖ ଦାୟିତ୍ବ ପ୍ରଦାନ କରାଯାଇଛି। ସେ ଦଳର ଡିଜିଟାଲ୍ ଆଉଟରିଚ୍ ରଣନୀତିକୁ ସୁଦୃଢ଼ କରିବେ।
ସଭାପତି ଶ୍ରୀ @Naveen_Odisha ଙ୍କ ଅନୁମୋଦନକ୍ରମେ ବିଜୁ ଜନତା ଦଳ ସଂଖ୍ୟାଲଘୁ ସେଲର ଆବାହକ ଓ ସଂଯୋଜକଙ୍କ ନାମ ଘୋଷଣା ହୋଇଛି।#BJDWithOdisha#BJD4Odishapic.twitter.com/kMQe7nSp3P
— Biju Janata Dal (@bjd_odisha) May 5, 2025
ବିଜେଡ଼ି ସଂଖ୍ୟାଲଘୁ ସେଲ୍ର ନେତୃତ୍ବ ୫ ନେତାଙ୍କୁ ପ୍ରଦାନ କରାଯାଇଛି। ସେମାନଙ୍କ ମଧ୍ୟରେ ଆବାହକ ଭାବେ ଦିଲ୍ଲୀପ ତିର୍କୀଙ୍କୁ ନିଯୁକ୍ତ କରାଯାଇଛି। ସେହିପରି ସହ-ଆବାହକ ଭାବେ ରିଜୱାନା ବେଗମ୍, ଦକ୍ଷିଣ ଜୋନ୍ ସହ-ଆବାହକ ଭାବେ ମୁଜିବୁଲ୍ଲା ଖାନ୍, ପଶ୍ଚିମ ଜୋନ୍ ସହ-ଆବାହକ ଭାବେ ଆୟୁବ ଖାନ୍ ଏବଂ କେନ୍ଦ୍ରୀୟ ଜୋନ୍ ସହ-ଆବାହକ ଭାବେ ଶେଖ୍ ନିଜାମୁଦ୍ଦିନ୍ଙ୍କୁ ନିଯୁକ୍ତ କରାଯାଇଛି।
ଏହି ନିଯୁକ୍ତିଗୁଡ଼ିକ ବିଭିନ୍ନ ସ୍ତରରେ ଦଳର ନେତୃତ୍ୱକୁ ସୁଦୃଢ଼ କରିବା ପାଇଁ ଦଳର ଏକ ନୂତନ ପ୍ରତିବଦ୍ଧତାକୁ ଚିହ୍ନିତ କରୁଛି ବୋଲି ଦଳ ପକ୍ଷରୁ କୁହାଯାଇଛି। ଦଳର ସଦସ୍ୟମାନେ ଆଶା କରୁଛନ୍ତି ଯେ, ଏହି ପୁନର୍ଗଠନ ଦୃଢ଼ ସମ୍ପ୍ରଦାୟ ସମ୍ପର୍କ ଏବଂ ପ୍ରଭାବଶାଳୀ ନୀତି କାର୍ଯ୍ୟାନ୍ୱୟନ ପାଇଁ ପଥ ପ୍ରଶସ୍ତ କରିବ।
ଅଧିକ ପଢ଼ନ୍ତୁ: ଅପେରା ପାର୍ଟି ବସ୍ ଦୁର୍ଘଟଣା ଗ୍ରସ୍ତ: ଅଳ୍ପକେ ବର୍ତ୍ତିଲେ ୫୦ରୁ ଊର୍ଦ୍ଧ୍ବ ଯାତ୍ରା କଳାକାର, ୩ ଆହତ
ରାଜ୍ୟ କାର୍ଯ୍ୟାଳୟ ଅଧିକାରୀ ଭାବରେ ୧୬ ଜଣ ବରିଷ୍ଠ ନେତାମାନଙ୍କୁ ନିଯୁକ୍ତ କରାଯାଇଛି। ସେମାନଙ୍କ ମଧ୍ୟରେ ମୁଖ୍ୟାଳୟର ବରିଷ୍ଠ ଉପସଭାପତି ଭାବେ ଦେବୀ ପ୍ରସାଦ ମିଶ୍ରଙ୍କୁ ନିଯୁକ୍ତ କରାଯାଇଛି। ସେହିପରି ପ୍ରଫୁଲ୍ଲ ସାମଲ, ଉଷା ଦେବୀ, ବିକ୍ରମ କେଶରୀ ଆରୁଖ, ପ୍ରମିଲା ମଲ୍ଲିକ, ନିରଞ୍ଜନ ପୂଜାରୀ ଏବଂ ଚନ୍ଦ୍ର ଶେଖର ସାହୁଙ୍କୁ ବରିଷ୍ଠ ଉପସଭାପତି ଭାବେ ନିଯୁକ୍ତି ଦିଆଯାଇଛି। ମୁଖ୍ୟାଳୟ ଉପସଭାପତି ଭାବରେ ପ୍ରତାପ ଜେନାଙ୍କୁ ନିଯୁକ୍ତ କରାଯାଇଛି।
ଉପସଭାପତି ପଦରେ ନିଯୁକ୍ତ ହୋଇଥିବା ଅନ୍ୟମାନେ ହେଉଛନ୍ତି ଅତନୁ ସାବ୍ୟସାଚି ନାୟକ, ରାଜେନ୍ଦ୍ର ଢୋଲକିଆ, ସଞ୍ଜୟ ଦାସ ବର୍ମା, ରବି ନାରାୟଣ ନନ୍ଦ, ଅଶ୍ୱିନୀ ପାତ୍ର, ପ୍ରଣବ ପ୍ରକାଶ ଦାସ ଏବଂ ସାରଦା ପ୍ରସାଦ ନାୟକ। କଟକ ମେୟର ସୁଭାଷ ସିଂହ ନୂତନ କୋଷାଧ୍ୟକ୍ଷ ହୋଇଛନ୍ତି।
ଏହା ସହିତ ସଭାପତି ନବୀନ ପଟ୍ଟନାୟକଙ୍କ ଅନୁମୋଦନକ୍ରମେ ବିଜୁ ଜନତା ଦଳର ରାଜ୍ୟର ୭୧ ଜଣ ପଦାଧିକାରୀଙ୍କ ନାମ ଘୋଷଣା ହୋଇଛି।
ସଭାପତି ଶ୍ରୀ @Naveen_Odisha ଙ୍କ ଅନୁମୋଦନକ୍ରମେ ବିଜୁ ଜନତା ଦଳର ରାଜ୍ୟ ପଦାଧିକାରୀଙ୍କ ନାମ ଘୋଷଣା ହୋଇଛି।#BJDWithOdisha#BJD4Odishapic.twitter.com/15vLoqsxlj
— Biju Janata Dal (@bjd_odisha) May 5, 2025
ଅଧିକ ପଢ଼ନ୍ତୁ: 'ଅବୀର ଗୁଲାଲ୍' ରିଲିଜ୍ ହେବା ଉଚିତ୍: ପ୍ରକାଶ ରାଜ୍
BJD