୩ ଲକ୍ଷ ଟଙ୍କାର ବ୍ରାଉନ୍ ସୁଗାର୍ ଜବତ, ବେପାରୀ ଗିରଫ

ଚନ୍ଦ୍ରଶେଖରପୁର : କୁଇକ୍ ଆକ୍ସନ୍ ଟିମ୍(କ୍ୟୁଏଟି) ଓ ଇନ୍ ଫୋସିଟି ଥାନା ପୁଲିସ୍ ମିଳିତ ଭାବେ ଚଢ଼ଉ କରି ଶିଖରଚଣ୍ଡି ପାହାଡ଼ ନିକଟ ଡ଼ିଏଲ୍ଏଫ୍ କୋଠା ପଛ ପଡ଼ିଆରୁ ୨ଜଣ ବ୍ରାଉନ୍ ସୁଗାର ବେପାରୀଙ୍କୁ ଗିରଫ କରିଛି। ସେମାନେ ହେଲେ ଶିଶୁ ବିହାରର ଅଞ୍ଚଳର ସୁକାନ୍ତ ଦାସ (୨୭) ଓ ଧର୍ମଶାଳା ବାସିନ୍ଦା ନଜରୁଲା ଇସଲାମ୍(୨୬)।

ସୁକାନ୍ତ ଠାରୁ ୨୨.୭୫ ଗ୍ରାମ ବ୍ରାଉନ୍ ସୁଗାର, ୨୫୫୦ ନଗଦ ଟଙ୍କା ଓ ଗୋଟିଏ ମୋବାଇଲ୍ ଜବତ ହୋଇଥିବା ବେଳେ ନଜରୁଲା ଠାରୁ ୬.୫ ଗ୍ରାମ ବ୍ରାଉନ୍ ସୁଗାର ୧୬.୫୦୦ ଟଙ୍କା ଓ ୨ଟି ମୋବାଇଲ୍ ଫୋନ୍ ଜବତହୋଇଛି। ସେମାନେ ବ୍ୟବହାର କରୁଥିବା ଏକ ବାଇକ୍ ମଧ୍ୟ ପୁଲିସ୍ ଜବତ କରିଛି। ଜବତ ବ୍ରାଉନ୍ ସୁଗାରର ମୂଲ୍ୟ ୩ ଲକ୍ଷ ଟଙ୍କାରୁ ଊର୍ଦ୍ଧ୍ବ ହେବ ବୋଲି ପୁଲିସ୍ କହିଛି। ଉଭୟ ଅଭିଯୁକ୍ତଙ୍କୁ ଇନ୍ ଫୋସିଟି ଥାନା ପୁଲିସ କୋର୍ଟ ଚାଲଣ କରିଛି। ତଦନ୍ତ ବେଳେ ସେମାନେ କଟକ, ବ୍ରହ୍ମପୁର ଓ ଲକ୍ଷ୍ମୀସାଗର ଅଞ୍ଚଳର ଜଣେ ବ୍ୟକ୍ତିଙ୍କଠାରୁ ବ୍ରାଉନ୍ ସୁଗାର ଆଣି ଚନ୍ଦ୍ରଶେଖରପୁର ଓ ଖଣ୍ଡିଗିରି ଅଞ୍ଚଳରେ ଥିବା କିଛି ଇଂଜିନିୟରିଂ ଛାତ୍ରଙ୍କୁ ଯୋଗାଉଥିବା କହିଛନ୍ତି। ଗତକାଲି ସେମାନେ ବ୍ୟବସାୟ ପାଇଁ ଗ୍ରାହକ ନିକଟକୁ ଆସିଥିବା ବେଳେ କୌଣସି ମତେ କ୍ୟୁଏଟି ସୂଚନାପାଇ ଇନ୍ ଫୋସିଟି ଥାନା ପୁଲିସ୍ ସହଯୋଗରେ ଉକ୍ତ ପଡ଼ିଆରେ ଚଢ଼ାଉ କରିଥିଲା।