କେନାଲ ଭିତରେ ଖସି ପଡ଼ିଲା କାର୍:୨ ଆହତ

ଜଗତସିଂହପୁର: ଜଗତସିଂହପୁର ସଦର ଥାନା ଅନ୍ତର୍ଗତ କୋଦଳପଳସା ଗାଁ ନିକଟରେ କେନାଲ ଭିତରକୁ ଏକ କାର୍ ଖସି ପଡିଛି। କାର୍‌ରେ ଥିବା ଦୁଇଜଣ ଆହତ ହୋଇଥିବା ବେଳେ ସେମାନଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କଲାଯାଇଛି ।

ମିଳିଥିବା ସୂଚନା ଅନୁସାରେ,  ବୁଧବାର ରାତି ପ୍ରାୟ ୧୦ଟାରେ ଏହି ଦୁର୍ଘଟଣା ଘଟିଛି । ଆଳିପିଙ୍ଗଳ ଅଭିମୁଖେ ଯାଉଥିବା ଏହି କାର୍‌ରେ ୪ଜଣ ଥିଲେ। କୋଣସି କାରଣରୁ ଭାରସାମ୍ୟ ହରାଇ କାର୍‌ଟି କୋଦଳପଳସା ନିକଟରେ ଥିବା ନାଳକୁ ଖସି ପଡିଥିଲା ।

ପରେ ସ୍ଥାନୀୟ ଲୋକେ ଦୁଇଜଣକୁ ଉଦ୍ଧାର କରି ଜଗତସିଂହପୁର ମୁଖ୍ୟ ଚିକିତ୍ସାଳୟରେ ଚିକିତ୍ସାଲାଗି ଭର୍ତ୍ତି କରିଥିଲେ। ଆହତଙ୍କ ପରିଚୟ ମିଳି ପାରିନାହିଁ।

 Jagatsinghpur | Accident