ଭୂତଳ ବିଦ୍ୟୁତ ବ୍ୟବସ୍ଥା ଲାଗି ଭିତ୍ତିଭୂମି ନିର୍ମାଣ ପାଇଁ ସେସୁ ପାଖରେ ପର୍ଯ୍ୟାପ୍ତ ପାଣ୍ଠି ନାହିଁ, ବିଦ୍ୟୁତ ଚୋରି ସମସ୍ୟା ଜଟିଳ

ଭୁବନେଶ୍ୱର: ଭୂତଳ ବିଦ୍ୟୁତ ଯୋଗାଣ ଲାଗି ଭିତ୍ତିଭୂମି ନିର୍ମାଣ ପାଇଁ ସେସୁ ପାଖରେ ପର୍ଯ୍ୟାପ୍ତ ଟଙ୍କା ନାହିଁ | ଖୋଦ ଏହି କଥାକୁ ସ୍ୱୀକାର କରିଛନ୍ତି ସେସୁ ସିଏମଡି ତଥା ଆଇପିଏସ ଅଫିସର ଅରୁଣ ବୋଥ୍ରା | ଜଣେ ବ୍ୟକ୍ତିଙ୍କ ଟ୍ୱିଟରରେ ପଚରାଯାଇଥିବା ପ୍ରଶ୍ନର ଉତ୍ତର ଦେବାକୁ ଯାଇ ବୋଥ୍ରା ଏଭଳି କହିଛନ୍ତି | ଟ୍ୱିଟରରେ ଜଣେ ବ୍ୟକ୍ତି ପ୍ରଶ୍ନ କରିଥିଲେ ଯେ ଉପକୂଳ ଅଂଚଳରେ ବିଶେଷ କରି ବାତ୍ୟା ପ୍ରଭାବିତ ଅଂଚଳରେ ଭୂତଳ ବିଦ୍ୟୁତ ବ୍ୟବସ୍ଥା କାହିଁକି ହୋଇପାରିନାହିଁ ? ଏହାର ଉତ୍ତର ଦେବାକୁ ଯାଇ ବୋଥ୍ରା କହିଥିଲେ ଯେ ଭୂତଳ ବିଦ୍ୟୁତ ବ୍ୟବସ୍ଥା ପୂର୍ବରୁ କରିଦିଆଯିବା କଥା କିନ୍ତୁ ସେସୁ ପାଖରେ ପର୍ଯ୍ୟାପ୍ତ ଅର୍ଥ ନାହିଁ |

ବିଦ୍ୟୁତ ଚୋରି ସମସ୍ୟା ଜଟିଳ ରୂପ ଧାରଣା କରିଛି, ଯେଉଁ ଅର୍ଥ ଏଥିରୁ ଆଦାୟ ହୋଇପାରନ୍ତା ତାହାକୁ ନୂତନ ନିର୍ମାଣରେ ବ୍ୟବହାର କରାଯାଇପାରନ୍ତା | ପ୍ରକୃତରେ ଅନ୍ୟ ଜଣେ ବ୍ୟକ୍ତି ପୁରୀ ସହରରେ ବିଦ୍ୟୁତ ଠିକ ଭାବେ ରହୁ ନଥିବାର ଅଭିଯୋଗ କରିଥିଲେ | ଏହାର ଉତ୍ତର ଦେବାକୁ ଯାଇ ବୋଥ୍ରା କହିଥିଲେ ଯେ ପୁରୀ ସହରରେ ବିଶେଷ କରି ଓଡ଼ିଶାରେ ପ୍ରଥମ ଥର ପାଇଁ ଭୂତଳ ବିଦ୍ୟୁତ ବ୍ୟବସ୍ଥା କରାଯାଇଛି | ଏଥିପାଇଁ କିଛି ସମୟ ଲାଗିବ |

ଏହାକୁ ନେଇ ଟ୍ୱିଟର ବ୍ୟବହାରକାରୀ ବୋଥ୍ରାଙ୍କୁ ବାତ୍ୟା ପ୍ରଭାବିତ ଅଂଚଳରେ କେବେ ଭୂତଳ ବିଦ୍ୟୁତ ବ୍ୟବସ୍ଥା ହେବ ବୋଲି ପ୍ରଶ୍ନ କରିଥିଲେ |ଜଟ ଯାହାର ଉତ୍ତର ରଖିବାକୁ ଯାଇ ବୋଥ୍ରା ସେସୁ ପାଖରେ ଅର୍ଥାଭାବ ବିଷୟରେ କହିଥିଲେ |