ଜୁଲାଇ ୧୫ର ‘ଓଡ଼ିଶା ବନ୍ଦ’କୁ ସିଟୁର ସମର୍ଥନ

ଭୁବନେଶ୍ବର : ପେଟ୍ରୋଲ, ଡିଜେଲ, ଗ୍ୟାସ ସମେତ ଅତ୍ୟାବଶକ ସାମଗ୍ରୀ ଦରବୃଦ୍ଧି ବିରୋଧରେ ୧୫ ତାରିଖରେ ଓଡ଼ିଶା ବନ୍ଦ ଡାକରା ଦେଇଛନ୍ତି ୪ ବାମପନ୍ଥୀ ଦଳ। ଏହି ଦିନ ସକାଳ ୬ଟାରୁ ୧୨ଟା ପର୍ଯ୍ୟନ୍ତ ଯାନବାହାନ, କାର୍ଯ୍ୟାଳୟ, ଦୋକାନ, ବଜାର, ବନ୍ଦର ଆହ୍ବାନ ଦିଆଯାଇଛି। ଏହାକୁ ସମର୍ଥନ କରିଛି ଭାରତର ଟ୍ରେଡ ୟୁନିୟନ କେନ୍ଦ୍ର (ସିଟୁ)। ଆଜି ଏ ସଂକ୍ରାନ୍ତରେ ଦଳ ପକ୍ଷରୁ କରାଯାଇଥିବା ସାମ୍ବାଦିକ ସମ୍ମିଳନୀରେ କୁହାଯାଇଛି ଯେ ତୈଳ ଦରବୃଦ୍ଧି ଯୋଗୁଁ ଅଟୋ, ଟାକ୍ସି, ବସ୍‌ ଭଡ଼ା ବୃଦ୍ଧି ପାଇ ଚାଲିଛି। ଏହାକୁ ରୋକିବା ପରିବର୍ତ୍ତେ ସରକାରୀ ସ୍ତରରେ ବଢାଇବା ଉଦ୍ୟମ ହେଉଛି।ଏଥିଯୋଗୁଁ ବଡ଼ କମ୍ପାନିଙ୍କ ମୁନାଫା ବଢୁଛି।