‘କୋଭିଡ୍-୧୯’ ଅନ୍ତର୍ଜାତୀୟ କବିତା ମହୋତ୍ସବରେ ୨୫ଦେଶର ଏକ ହଜାର କବି ଅଂଶଗ୍ରହଣ କରିବାର ସୂଚନା

ଭୁବନେଶ୍ବର: ବାତାୟନ  ‘କୋଭିଡ୍-୧୯’ ଅନଲାଇନ୍ ଅନ୍ତର୍ଜାତୀୟ କବିତା ମହୋତ୍ସବ ଅନୁଷ୍ଠିତ ହେଉଥିବାର ସୂଚନା ମିଳିଛି। ଏଥିରେ ୨୫ଟି ଦେଶର ଏକ ହଜାର କବି ଅଂଶଗ୍ରହଣ କରିବେ ବୋଲି ଆୟୋଜକଙ୍କ ପକ୍ଷରୁ କୁହାଯାଇଛି। ଏହି ମହୋତ୍ସବ ମହୋତ୍ସବର ମୁଖ୍ୟ ସତ୍ୟବ୍ରତ ଜେନାଙ୍କ ସୂଚନା ଅନୁଯାୟୀ ଅଂଶଗ୍ରହଣକାରୀମାନେ ସେମାନଙ୍କର କବିତା ପଠାଇବା ଆରମ୍ଭ କରି ଦେଇଛନ୍ତି, ଯାହାର ଫଳାଫଳ  ସମାରୋହର ସମାପନ ଦିନ ଅର୍ଥାତ୍ ଜୁଲାଇ ୨୫ ତାରିଖରେ ଘୋଷଣା କରାଯିବ।

ସେହିଭଳି ଏଥିରେ ଓଡ଼ିଶାର ୫୦ଜଣ କବିଙ୍କ ପାଇଁ କବିତା ପଠାଇବାର ସୁବିଧା ଅଛି । ଏହି ଉତ୍ସବର ବିଷୟ ହେଉଛି ‘ଆମେ କରୋନା ଠାରୁ ଯାହା ଶିଖିଲୁ’। ଏଥିଲାଗି କବିମାନଙ୍କୁ ଏହି ପ୍ରସଙ୍ଗରେ ଲେଖିବାକୁ ପଡିବ ଓ ଏଥିପାଇଁ ପ୍ରତିଯୋଗୀମାନଙ୍କୁ ସେମାନଙ୍କ ମୋବାଇଲ୍ କିମ୍ବା କ୍ୟାମେରାରେ ଅଡିଓ ଏବଂ ଭିଡିଓ ସୁଟ୍ କରିବାକୁ ପଡିବ ଯାହାର ଅବଧି ୧ ରୁ ୩ ମିନିଟ୍ ଭିତରେ ହେବା ଉଚିତ୍ ।

ଏଥିରେ ଫ୍ରାନ୍ସର ମେରାଇନ୍ ବ୍ରୁଙ୍ଗୋ, ଆସାମର କଙ୍ଗୋ ମନିରାମର ରିଚାର୍ଡ ଏବଂ ଆଫଗାନିସ୍ତାନର କ୍ୱାଟ୍ରାଟୁଲାହା ପ୍ରମୁଖ ବିଚାରକମଣ୍ଡଳୀରେ ଅଛନ୍ତି, ଯେଉଁମାନେ କବିତାର ମୂଲ୍ୟାଙ୍କନ କରିବେ। ଏଥିରେ ତିନିଜଣ କୃତୀ ପ୍ରତିଯୋଗୀଙ୍କୁ ପୁରସ୍କୃତ କରାଯିବ ବୋଲି ସୂଚନା ଦିଆଯାଇଛି।