ବେକରେ ଦଉଡ଼ି ଦେଇ ଦାଦନ ଶ୍ରମିକ ଝୁଲିପଡ଼ିଲେ, ହାଇଦ୍ରାବାଦରୁ ଆସିଲା ମୃତଦେହ

କୋକସରା: କଳାହାଣ୍ଡି ଜିଲ୍ଲା କୋକସରା ବ୍ଲକ ମୂଷାପାଲି ପଞ୍ଚାୟତ ଖପ୍ରାମାଲ ଆମପଡ଼ା ଗାଁର ନରହରି ମାଝୀ ଗତ ଏପ୍ରିଲ ମାସରେ କାମ କରିବାକୁ ହାଇଦ୍ରାବାଦ ଯାଇଥିଲେ। ଗତ ରବିବାର ସେ ବେକରେ ଫାଶ ଲଗାଇ ଆତ୍ମହତ୍ୟା କରିଥିବା ଖବର ଆସିବା ପରେ ପରିବାର ଲୋକ ଭାଙ୍ଗି ପଡ଼ିଥିଲେ। ତେବେ ଯୁବକଙ୍କ ଶବ ମଙ୍ଗଳବାର ଗାଁରେ ପହଞ୍ଚିବା ପରେ ଶୋକାକୁଳ ପରିବେଶରେ ଅନ୍ତିମ ସତ୍କାର କରାଯାଇଛି।

ଅନ୍ୟପକ୍ଷରେ ଗତ ୩ ମାସ ମଧ୍ୟରେ କୋକସରା ବ୍ଲକର ୪ ଜଣ ଦାଦନ ଶ୍ରମିକଙ୍କ ମୃତ୍ୟୁ ହୋଇଥିବା ବେଳେ ଦାଦନ ଚାଲାଣ ରୋକିବାରେ ପ୍ରଶାସନ ବିଫଳ ହୋଇଥିବା ଆଲୋଚନା ହେଉଛି।