କରୋନାରେ ଇଞ୍ଜିନିୟରଙ୍କ ମୃତ୍ୟୁ

ଡୁଙ୍ଗୁରିପାଲି : ସୁବର୍ଣ୍ଣପୁର ଜିଲ୍ଲା ଡୁଙ୍ଗୁରିପାଲି ଥାନା ବଡ଼ ଫଟାମୁଣ୍ଡା ଗ୍ରାମର ଇଞ୍ଜିନିୟର ରାଜେନ୍ଦ୍ର ଦିଶ୍ରି(୫୨)ଙ୍କ ଶୁକ୍ରବାର ଅପରାହ୍‌ଣ ୨ଟାରେ ବେଙ୍ଗାଲୁରୁରେ ପରଲୋକ ହୋଇଯାଇଛି। ସ୍ବର୍ଗତ ଦିଶ୍ରି ସେଠାରେ ଏକ ଘରୋଇ କମ୍ପାନିରେ ଚାକିରି କରୁଥିଲେ। ପତ୍ନୀ ଓ ଦୁଇ ଝିଅ ସହ ରହୁଥିଲେ। ସେ କରୋନାରେ ପୀଡ଼ିତ ହୋଇ ଚିକିତ୍ସାଧୀନ ଥିଲେ। ବରଗଡ଼ରୁ ତାଙ୍କ ଶଳା ବେଙ୍ଗାଲୁରୁ ଯିବା ପରେ ସେଠାରେ ଅନ୍ତିମ ସଂସ୍କାର କରାଯାଇଥିବା ଜଣାଯାଇଛି। ସ୍ବର୍ଗତ ଦିଶ୍ରିଙ୍କ ମୃତ୍ୟୁରେ ଫଟାମୁଣ୍ଡା ଗ୍ରାମରେ ଗଭୀର ଶୋକ ପ୍ରକାଶ ପାଇଛି।