ମୋବାଇଲ ଦୋକାନରେ ଅଗ୍ନିକାଣ୍ଡ

ଜଗତସିଂହପୁର: ପାରାଦୀପ  ଇଫକୋ ଛକ ନିକଟରେ  ଥିବା  ବିଦେଶୀ  କମ୍ୟୁନିକେସନ  ମୋବାଇଲ  ଦୋକାନରେ  ଗତକାଲି ବିଳମ୍ବିତ ରାତିରେ ଅଗ୍ନିକାଣ୍ଡ  ଘଟି  ଲକ୍ଷାଧିକ  ଟଙ୍କାର  ସାମଗ୍ରୀ  ପୋଡ଼ି  ପାଉଁଶ ହୋଇଛି।  

ନିଆଁକୁ  ଆୟତ୍ତ କରିବା  ପାଇଁ  ଇଫକୋ  ଓ  ଆର୍ସେଲର୍  ମିତ୍ତଲର  ଅଗ୍ନିଶମ  ବିଭାଗ  କର୍ମଚାରୀମାନେ  ଲାଗିପଡି ନିଆଁକୁ ଆୟତ୍ତ  କରିଥିଲେ  ମଧ୍ୟ ଲକ୍ଷାଧିକ  ଟଙ୍କାର  ମୋବାଇଲ  ଓ  ବିଭିନ୍ନ  ସାମଗ୍ରୀ  ଜଳିପୋଡି  ପାଉଁଶ  ହୋଇଯାଇଛି ।  

ଗତକାଲି ରାତିରେ  ମୋବାଇଲ  ଦୋକାନର  ମାଲିକ  ବିଦେଶୀ  ମାଝୀ ଦୋକାନ  ବନ୍ଦ କରି  ଘରକୁ  ଯିବା  ପରେ  ବିଳମ୍ବିତ ରାତି  ପ୍ରାୟ ଦୁଇଟାରେ  କୌଣସି  କାରଣରୁ  ଦୋକାନରେ  ନିଆଁ  ଲାଗି ଯାଇଥିଲା।  ଫଳରେ  ଦୋକାନଟି  ହୁତୁହୁତୁ  ହୋଇ ଜଳିଥିଲା ।

ଅଧିକ ପଢ଼ନ୍ତୁ: ଆଜି ନୀଳାଦ୍ରି ବିଜେ: ରସଗୋଲାରେ ମା’ ମହାଲକ୍ଷ୍ମୀଙ୍କ ମାନଭଞ୍ଜନ କରିବେ ମହାବାହୁ

ଖବରପାଇ  ଇଫକୋ ଓ  ଆର୍ସେଲର୍  ମିତ୍ତଲର  ନିଆଁଲିଭା  ଗାଡ଼ି  ପହଞ୍ଚି  ନିଆଁକୁ ଲିଭାଇଥିଲେ । ହେଲେ  ନିଆଁ  ଲାଗିବାର କାରଣ  ଅସ୍ପଷ୍ଟ  ଥିବା  ବେଳେ  ସର୍ଟ ସର୍କିଟ୍  ଯୋଗୁ  ନିଆଁ  ଲାଗିଥାଇ  ପାରେ  ବୋଲି  ଅନୁମାନ  କରାଯାଉଛି ।  ମୋବାଇଲ ଦୋକାନରେ  ଅନେକ  ଗ୍ରାହକଙ୍କ  ମରାମତି ମୋବାଇଲ  ସହିତ  ଦୋକାନରେ  ଥିବା  ଲକ୍ଷାଧିକ  ଟଙ୍କାର  ସାମଗ୍ରୀ  ପୋଡ଼ି ପାଉଁଶ  ହୋଇଯାଇଛି।

ଅଧିକ ପଢ଼ନ୍ତୁ: ଗୋପଳ ଖେମକା ହତ୍ୟା ଘଟଣା: ପୁଲିସ ଏନକାଉଣ୍ଟରରେ ଅଭିଯୁକ୍ତର ମୃତ୍ୟୁ

Jagatsinghpur