ଲଛିପୁର ଓ ତିଲେଇମାଲ ଫରେଷ୍ଟ ସେକ୍ସନ ଅଞ୍ଚଳରେ ନିଆଁ  

ଲଛିପୁର : ସୋନପୁର ବନଖଣ୍ଡ ଅଧୀନସ୍ଥ ତିଲେଇମାଲ ସେକ୍ସନର ଜାମଖୋଲ‌ ଓ ପଣ୍ଡିକିଟାଲ ଜଙ୍ଗଲରେ ନିଆଁ ଲାଗି ବହୁ ମୂଲ୍ୟବାନ ଗଛ ନଷ୍ଟ ହୋଇଯାଇଛି। ଲଛିପୁର ଫରେଷ୍ଟ ସେକ୍ସନର ମାଟିଆପାଲି ଚାରିଛକ ଶାଳବଣରେ ନିଆଁ ଲାଗି ଶହ ଶହ ଗଡ଼ ପୋଡ଼ି ପାଉଁଶ ହୋଇଯାଇଛି। ବନ ବିଭାଗ କର୍ମଚାରୀ ନିଆଁ ଲିଭାଉଛନ୍ତି। ପ୍ରତିଦିନ ୪/୫ଟି ଜାଗାରେ ନିଆଁ ଲାଗୁଥିବାରୁ ସବୁ ସ୍ଥାନରେ ଠିକ୍ ସମୟରେ ପହଞ୍ଚି ନିଆଁ ଲିଭାଇବା ସେମାନଙ୍କ ପକ୍ଷେ ସମ୍ଭବ ହେଉ ନାହିଁ। ବୁଧବାର ୬ଟି ସ୍ଥାନରେ ନିଆଁ ଲାଗିଥିଲା। ବନ କର୍ମଚାରୀମାନେ ଲିଭାଇ ସାରିଥିବା ବନାଞ୍ଚଳ ଅଧିକାରୀ ମିଲନ ବାଗ କହିଛନ୍ତି।