ନିଶାସକ୍ତ ଅବସ୍ଥାରେ ପତ୍ନୀକୁ ବାଡ଼ିରେ ପିଟିପିଟି ହତ୍ୟା କଲା ସ୍ୱାମୀ

ସୋର: ବାଲେଶ୍ୱର ଜିଲ୍ଲାର ସିମୁଳିଆ ଥାନା ଅଡ଼ା ପଞ୍ଚାୟତ ଛତ୍ରପୁର ଗାଁରେ ପତ୍ନୀକୁ ହତ୍ୟା କଲା ସ୍ୱାମୀ । ଏହି ଗାଁର ବୀର ସିଂ ତାର ପତ୍ନୀ କୁନି ସିଂକୁ ବାଡ଼ିରେ ପିଟିପିଟି ହତ୍ୟା କରିଛିl ଗତକାଲି ରାତିରେ ଉଭୟ ସାଙ୍ଗ ହୋଇ ଘରୁ ବାହାରକୁ ଆସିଥିଲେ। କିନ୍ତୁ ଘରକୁ ଫେରିବା ବେଳକୁ ବୀର ସିଂ ଏକା ନିଶାସକ୍ତ ଅବସ୍ଥାରେ ଘରକୁ ଫେରିଥିଲେ। ତେଣୁ ପରିବାର ଲୋକେ ରାତିରେ ଖୋଜାଖୋଜି କରି କୁନିଙ୍କୁ ପାଇନଥିଲେ।

ଆଜି ସକାଳେ କୁନିଙ୍କର ମୃତଦେହ ବିଲ ଭିତରେ ପଡ଼ିଥିବା ଦେଖିବାକୁ ପାଇଥିଲେ। ପରେ ସ୍ଥାନୀୟ ଲୋକେ ସିମୁଳିଆ ପୁଲିସକୁ ଖବର ଦେଇଥିଲେ। ଖବର ପାଇ ସିମୁଳିଆ ପୁଲିସ ଘଟଣାର ତଦନ୍ତ କରିବା ସହିତ ବୀର ସିଂକୁ ଅଟକ ରଖି ଅଧିକ ତଦନ୍ତ କରୁଛି।