ମୋର ଯୋଗ୍ୟତା ନାହିଁ ବୋଲି ଭାବିଲି, ଗଲିନି: ଜୟ ନାରାୟଣଙ୍କ ତେରଛା ବାଣ

ଭୁବନେଶ୍ବର: କେନ୍ଦ୍ର ଗୃହମନ୍ତ୍ରୀ ଅମିତ ଶାହଙ୍କ ଓଡ଼ିଶା ଗସ୍ତ ନେଇ ପ୍ରସ୍ତୁତି ବୈଠକରେ ସମ୍ବଲପୁର ବିଧାୟକ ଜୟନାରାୟଣ ମିଶ୍ର କ୍ଷୋଭ ପ୍ରକାଶ କରିଛନ୍ତି। ପ୍ରସ୍ତୁତି ବୈଠକରେ ପଛରେ ବସିବା ପ୍ରସଙ୍ଗରେ ସେ ନିଜର ମତ ରଖି  ତେରଛା ବାଣ ମାରିଛନ୍ତି। ସେ ମୁହଁ ଖୋଲି ପୁଣି ବିବାଦ ସୃଷ୍ଟି କରିଛନ୍ତି।

ଜୟ ନାରାୟଣ କହିଛନ୍ତି ଗୋଟେ ଜାଗାରେ ବସିବାର ଯୋଗ୍ୟତା ରହିବା କଥା। ମୋର ଯୋଗ୍ୟତା ନାହିଁ ବୋଲି ଭାବିଲି ସେଥିପାଇଁ ଗଲିନି ବୋଲି ଜୟନାରାୟଣ ମିଶ୍ର କହିଛନ୍ତି। ସେ ଜାଗା ରାଜ୍ୟ ସଭାପତି, ସମ୍ପାଦକ, ମନ୍ତ୍ରୀଙ୍କ ପାଇଁ ଥିଲା। ସେଥି ମଧ୍ୟରୁ ମୁଁ କେହି ନୁହଁ, ସେଠି ବସିବାର ଆବଶ୍ୟକତା ନ ଥିଲା ବୋଲି ବରିଷ୍ଠ ନେତା ଜୟନାରାୟଣ କହିଛନ୍ତି।

ସାମ୍ବାଦିକଙ୍କ ପ୍ରଶ୍ନ ନେଇ ସେ ପାଲଟା ପ୍ରଶ୍ନ କରିଛନ୍ତି, ଆପଣ ବରିଷ୍ଠ ବୋଲି କହୁଛନ୍ତି, କହିଲେ ଦେଖି ବରିଷ୍ଠଙ୍କର ଭାଲ୍ୟୁ କଣ? ସେ କ୍ଷୋଭ ପ୍ରକାଶ କରି କହିଛନ୍ତି ଯେ, ବଡ଼ ବଡ଼ିଆ ନେତାଙ୍କୁ ସୂଚନା ସମ୍ପର୍କରେ ପଚାର। ଆମ ଭଳିଆ ଛୋଟକାଟିଆଙ୍କୁ କାହିଁ ପଚାରୁଛ।

ଅଧିକ ପଢ଼ନ୍ତୁ: ପ୍ରକୃତ ହିତାଧିକାରୀ ଯାଞ୍ଜ ପାଇଁ ଫିଜିକାଲ ସର୍ଭେ ହେବ: ଖାଦ୍ୟ ଯୋଗାଣ ମନ୍ତ୍ରୀ

ଜୟ ନାରାୟଣଙ୍କ ଏଭଳି ମନ୍ତବ୍ୟ ଯୋଗୁ ବିଜେପି ବୈଠକରେ ସଦସ୍ୟଙ୍କ ମଧ୍ୟରେ  ଅସନ୍ତୋଷ ଥିବା ବାରି ହୋଇଛି।  ବୁର୍ଲା ଏମସିଏଲରେ ରାଜ୍ଯ ସଭାପତି ମନମୋହନ ସାମଲଙ୍କ ଅଧ୍ଯକ୍ଷତାରେ ଚାଲିଥିବା ବୈଠକରେ  ଜୟ ନାରାୟଣ ମିଶ୍ର ପଛରେ ବସିଥିଲେ।  ବାରମ୍ବାର ଆଗରେ ବସିବା ନେଇ ଅନୁରୋଧ ସତ୍ତ୍ବେ ସେ ଆଗକୁ ନଯାଇ ପଛରେ ବସି ରହିଥିଲେ। ପରେ ମୋର ଯୋଗ୍ଯତା ନଥିବାରୁ ପଛରେ ବସିଥିବା ସମ୍ପର୍କରେ ଗଣମାଧ୍ଯମକୁ କହିଥିଲେ। 

ଅଧିକ ପଢ଼ନ୍ତୁ: ଜଳନ୍ଧରରେ ଗ୍ରେନେଡ୍ ଆକ୍ରମଣ, ନିଜକୁ ଦାୟୀ କଲା ପାକିସ୍ତାନୀ ଗ୍ୟାଙ୍ଗଷ୍ଟର