ଆଇଏଏସ୍‌ ନିରଞ୍ଜନ ସାହୁ ଓ ଶିକ୍ଷାବିତ୍‌ ସଙ୍ଗୀତା ରଥ ଓପିଏସ୍‌ସି ସଦସ୍ୟ ନିଯୁକ୍ତ

ଭୁବନେଶ୍ବର : ଉତ୍ତରାଞ୍ଚଳ ଆର୍‌ଡିସି ଥିବା ବରିଷ୍ଠ ଆଇଏଏସ୍‌ ନିରଞ୍ଜନ ସାହୁ ଓ ଭୁବନେଶ୍ବର ଆଇଆଇଟିର ପ୍ରଫେସର ସଙ୍ଗୀତା ରଥଙ୍କୁ ଓଡ଼ିଶା ଲୋକସେବା ଆୟୋଗ (ଓପିଏସ୍‌ସି) ସଦସ୍ୟ ଭାବେ ନିଯୁକ୍ତି ମିଳିଛି। ଏ ନେଇ ରାଜ୍ୟପାଳଙ୍କ ଅନୁମୋଦନ କ୍ରମେ ଆଜି ସାଧାରଣ ପ୍ରଶାସନ ବିଭାଗ ପକ୍ଷରୁ ବିଜ୍ଞପ୍ତି ପ୍ରକାଶ ପାଇଛି। ଚଳିତ ମାସ ୩୧ ତାରିଖରେ ଶ୍ରୀ ସାହୁ ଓ ଶ୍ରୀମତୀ ରଥ ନିଜ ନିଜ ଚାକିରିରୁ ଅବସର ନେବେ। ଅବସର ପରେ ଉଭୟ ଓପିଏସ୍‌ସି ସଦସ୍ୟଭାବେ ଯୋଗଦେବେ। ସେମାନଙ୍କୁ ୬୨ ବର୍ଷ ହେବା ପର୍ଯ୍ୟନ୍ତ ଏହି ପଦରେ ରହିବେ ବୋଲି ସରକାର ଜାରି କରିଥିବା ପୃଥକ ବିଜ୍ଞପ୍ତିରେ ଉଲ୍ଲେଖ କରିଛନ୍ତି।