ନୂତନ ଜୀବିକା ଉପାୟ ସୃଷ୍ଟି ଏବଂ ଦ୍ରୁତ ଆର୍ଥିକ ପ୍ରଗତି ଉପରେ ଗୁରୁତ୍ବ ଦିଅଯିବ: ମୁଖ୍ୟ ଶାସନ ସଚିବ

ଭୁବନେଶ୍ବର: ରାଜ୍ୟବାସୀଙ୍କ ପାଇଁ ନୂଆବର୍ଷ ସୁଖପ୍ରଦ ହେଉ। ପ୍ରଭୁ ଜଗନ୍ନାଥଙ୍କ ନିକଟରେ ଏତିକି ପ୍ରାର୍ଥନା କରୁଛି। ନୂଆ ମୁଖ୍ୟ ଶାସନ ସଚିବ ଭାବେ ଦାୟିତ୍ବ ଗ୍ରହଣ କରିବା ପରେ ସୁରେଶ ଚନ୍ଦ୍ର ମହାପାତ୍ର ଏହା କହିଛନ୍ତି। ରାଜ୍ୟର ସବୁ ଅଂଚଳ ଓ ସବୁ ବର୍ଗର ବ୍ୟକ୍ତିମାନଙ୍କର ସମନ୍ବିତ ବିକାଶ ସରକାରଙ୍କ ମୌଳିକ ଲକ୍ଷ୍ୟ। ଏଥିପାଇଁ କୋଭିଡ କ୍ଷତିଗ୍ରସ୍ତ ଆର୍ଥିକ ସ୍ଥିତିର ଦ୍ରୁତ ଆର୍ଥିକ ସୁଧାର ଓ ଅଭିବୃଦ୍ଧିକୁ ଗୁରୁତ୍ବ ଦିଆଯିବ। କୋଭିଡ ଲଢ଼େଇ ସହ ଦୀର୍ଘସ୍ଥାୟୀ ପୋଷଣୀୟ ଜୀବିକା ସୃଷ୍ଟି, ଆରମ୍ଭ ହୋଇଥିବା ପ୍ରକଳ୍ପ ଗୁଡ଼ିକର ତ୍ବରାନ୍ବିତ କାର୍ଯ୍ୟାନ୍ବୟନ ଏବଂ ସମୟାନୁବନ୍ଧିତ ଭାବେ ବିଭିନ୍ନ ସେବା ଯୋଗାଣ ପ୍ରଶାସନର ପ୍ରାଥମିକତା ହେବ ବୋଲି ଶ୍ରୀ ମହାପାତ୍ର କହିଛନ୍ତି।