୭ରୁ ତିନି ବନ୍ଦରକୁ ଅନିର୍ଦ୍ଦିଷ୍ଟ କାଳ ପର୍ଯ୍ୟନ୍ତ ଲୁହାପଥର ପରିବହନ ବନ୍ଦ

ଜଗତସିଂହପୁର : ଆସନ୍ତା ୭ରୁ ତିନି ବନ୍ଦରକୁ ଅନିର୍ଦ୍ଦିଷ୍ଟ କାଳ ପର୍ଯ୍ୟନ୍ତ ଲୁହାପଥର ପରିବହନ ବନ୍ଦ ହେବ। ଏ ନେଇ ରବିବାର ପାରାଦୀପରେ ରାଜ୍ୟ ଟ୍ରକ୍ ମାଲିକ ସଂଘର ଅନୁଷ୍ଠିତ ଏକ ଗୁରୁତ୍ବପୂର୍ଣ୍ଣ ବୈଠକରେ ନିଷ୍ପତ୍ତି ନିଆଯାଇଛି। ନିଷ୍ପତ୍ତି ଅନୁସାରେ, ଆସନ୍ତା ୭ ତାରିଖରୁ ପାରାଦୀପ, ଗୋପାଳପୁର ଓ ଭାଇଜାଗ୍ ତିନି ବନ୍ଦରକୁ ମାଲ୍ ପରିବହନ ଅନିର୍ଦ୍ଦିଷ୍ଟ କାଳ ପର୍ଯ୍ୟନ୍ତ ବନ୍ଦ ରଖାଯିବ। ଦର ବୃଦ୍ଧି ପ୍ରତି ଧ୍ୟାନ ନ ଦେଲେ ଆସନ୍ତା ୧୨ ତାରିଖରୁ ରାଜ୍ୟ ମଧ୍ୟରେ ହେଉଥିବା ବିଭିନ୍ନ ପ୍ଲାଣ୍ଟକୁ ରପ୍ତାନୀ ମଧ୍ୟ ବନ୍ଦ ପାଇଁ ବୈଠକରେ ନିଷ୍ପତ୍ତି ହୋଇଛି।