କଲାମ ଦ୍ୱୀପରୁ କେ-୪ର ପରୀକ୍ଷଣ ଆଜି!

ବାଲେଶ୍ୱର/ଚାନ୍ଦବାଲି : ବାଲେଶ୍ୱର ଜିଲ୍ଲା ଚାନ୍ଦିପୁର କ୍ଷେପଣାସ୍ତ୍ର ପରୀକ୍ଷଣ କେନ୍ଦ୍ରର ଧାମରାସ୍ଥିତ କଲାମ ଦ୍ବୀପରେ ଥିବା ୪ନମ୍ବର ଲଞ୍ଚ୍‌ପ୍ୟାଡରୁ ଆସନ୍ତାକାଲି କେ-୪ ଏସ୍‌ଏମ୍‌ବିଏମ୍(ବୁଡ଼ାଜାହାଜ ବାଲିଷ୍ଟିକ୍ କ୍ଷେପଣାସ୍ତ୍ର) ଉତ୍‌କ୍ଷେପଣ କରାଯିବ। ଏଥିପାଇଁ ଭାରତୀୟ ପ୍ରତିରକ୍ଷା ଉନ୍ନୟନ ସଂସ୍ଥା ପକ୍ଷରୁ ସମସ୍ତ ପ୍ରସ୍ତୁତି ସରିଛି। ପାଗ ଅନୁକୂଳ ରହିଲେ ଧାର୍ଯ୍ୟ ହୋଇଥିବା ନିର୍ଦ୍ଦିଷ୍ଟ ସମୟସୀମା ମଧ୍ୟରେ ଏହାର ପରୀକ୍ଷଣ କରାଯିବ ବୋଲି ବିଶେଷ ସୂତ୍ରରୁ ସୂଚନା ମିଳିଛି।