କେନ୍ଦ୍ର ସାହିତ୍ୟ ଏକାଡେମୀର ଘୋଷଣା: ମାନସ ରଞ୍ଜନଙ୍କୁ ମିଳିବ ବାଲ୍‌ ପୁରସ୍କାର, ସଞ୍ଜୟଙ୍କୁ ଯୁବ ପୁରସ୍କାର

ଭୁବନେଶ୍ବର: ଯୁବ କଥାକାର ସଞ୍ଜୟ ପଣ୍ଡା ୨୦୨୪ ପାଇଁ କେନ୍ଦ୍ର ସାହିତ୍ୟ ଏକାଡେମୀ ଯୁବ ପୁରସ୍କାର ପାଇବେ। ବାଲେଶ୍ବରର ଶ୍ରୀ ପଣ୍ଡାଙ୍କୁ ଏଥି ପାଇଁ ମନୋନୀତ କରାଯାଇଛି। ତାଙ୍କର ଗଳ୍ପ ପୁସ୍ତକ 'ହୁ ବାଇଆ' ପାଇଁ ସେ ଏହି ପୁରସ୍କାର ପାଇବାକୁ ଯୋଗ୍ୟ ବିବେଚିତ ହୋଇଛନ୍ତି ବୋଲି ଆଜି ଏକାଡେମି ପକ୍ଷରୁ ଗୁଜୁରାଟର ନର୍ମଦା ଜିଲ୍ଲାରେ ଅନୁଷ୍ଠିତ କାର୍ଯ୍ୟନିର୍ବାହୀ ବୈଠକରେ ଘୋଷଣା କରାଯାଇଛି। ୨୩ଟି ଭାଷା ପାଇଁ ଏହି ପୁରସ୍କାର ଘୋଷଣା କରାଯାଇଛି। ସଂସ୍କୃତ ଭାଷା ପାଇଁ ପୁରସ୍କାର ପରେ ଘୋଷଣା କରାଯିବ। ସେହିପରି ମାନସ ରଞ୍ଜନ ସାମଲଙ୍କୁ ବାଲ୍ ପୁରସ୍କାର ପାଇଁ ମନୋନୀତ କରାଯାଇଛି।  ତାଙ୍କ ପୁସ୍ତକ 'ଗପକାକଳି' ପାଇଁ ସେ ଏହି ପୁରସ୍କାର ପାଇବେ ବୋଲି ଜଣାପଡ଼ିଛି।