ହାତଗୋଡ଼ ବାନ୍ଧି ବୃଦ୍ଧାଙ୍କୁ ଦୁଷ୍କର୍ମ ପରେ ହତ୍ୟା, ଅଭିଯୁକ୍ତ ଗିରଫ

ଗତ ଅକ୍ଟୋବର ୨୦ ତାରିଖ ତଥା କୁମାର ପୂର୍ଣ୍ଣମୀ ଦିନ ଦୁଃଖୀ ତାଙ୍କ ଝିଅ ସହ ସହ ସୁଭଦ୍ରା ସହ ଇ-ଶ୍ରମକାର୍ଡ଼ କରିବାକୁ ଖମ୍ବାରିଗାଁ ଆସିଥିଲେ। କିନ୍ତୁ ରାତି ହୋଇ ଯିବାରୁ ଗାଁକୁ ଫେରି ନଥିଲେ। ଉଭୟ ଗାଁର ଏକ କ୍ୟାବିନ୍‌ ପାଖରେ ରହିଯାଇଥିଲେ। କିଛି ସମୟ ପରେ ଦୁଃଖୀ ଶୋଇପଡ଼ିଥିବା ବେଳେ ସୁଭଦ୍ରା ଜୁଆ ଖେଳିବାକୁ ଗାଁକୁ ଚାଲିଆସିଥିଲେ।
ଅନ୍ୟପକ୍ଷରେ ଅଭିଯୁକ୍ତ ଜିତେନ୍ଦ୍ର ଜୁଆଖେଳରେ ଟଙ୍କା ହାରିଯିବା ପରେ ପ୍ରଚୁର ମଦ ପିଇଥିଲା। ଆଉ ନିଶାସକ୍ତ ଅବସ୍ଥାରେ ଦୁଃଖୀଙ୍କୁ ଏକୁଟିଆ ଶୋଇଥିବାର ଦେଖି ହିତାହିତ ଜ୍ଞାନକୁ ଭୁଲି ତାଙ୍କ ହାତଗୋଡ଼କୁ ବାନ୍ଧି ଦୁଷ୍କର୍ମ କରିଥିଲା। ଆଉ ତଣ୍ଟି ଚିପି ହତ୍ୟା କରିବା ପରେ ଦଣ୍ଡାସିସାହି ନିକଟ ଧାନବିଲରେ ଶବକୁ ଫୋପାଡ଼ି ଦେଇଥିଲା। ୨୧ ତାରିଖ ସକାଳେ ତାଙ୍କ ଶବ ମିଳିଥିଲା।
ମୃତକଙ୍କ ପୁଅ ବାବୁଲା ଦଳାଇଙ୍କ ଏତଲା କ୍ରମେ ମାମଲା ରୁଜୁ ସହ ତଦନ୍ତ ଆରମ୍ଭ ହୋଇଥିଲା। ଅଭିଯୁକ୍ତ ଜିତେନ୍ଦ୍ରର ଗତିବିଧି ଉପରେ ସନ୍ଦେହ କରି ପୁଲିସ ତାକୁ ଉଠାଇ ଆଣି ଜେରା କରିବା ସମୟରେ ସେ ସମସ୍ତ ଦୋଷ ସ୍ବୀକାର କରିଥିବା ଥାନାଧିକାରୀ ସୂଚନା ଦେଇଛନ୍ତି। ତାକୁ ଆଜି କୋର୍ଟ ଚାଲାଣ କରାଯାଇଛି।