ଦୁର୍ଘଟଣାରେ ଯୁବକଙ୍କ ମୃତ୍ୟୁ

ଆନନ୍ଦପୁର: ଆନନ୍ଦପୁର ଥାନା ଶାଳବଣିଛକ ନିକଟରେ ବାଇକ୍‌ ଦୁର୍ଘଟଣାରେ ଜଣେ ଯୁବକଙ୍କ ମୃତ୍ୟୁ ଘଟିଛି। ମୃତକ ଜଣଙ୍କ ହେଲେ ମଦନପୁର ପଞ୍ଚାୟତ ଭଗାନଈ ଗ୍ରାମର ମାନସ କୁମାର ଦାସ (୨୫)। ଆଜି ସନ୍ଧ୍ୟା ପ୍ରାୟ ସାଢ଼େ ୬ଟା ସମୟରେ ମାନସ ଏକ ବାଇକ୍‌ରେ ଯାଉଥିବା ରାସ୍ତାରେ ଏକ ଷଣ୍ଢ ସହ ଧକ୍କା ହୋଇଥିଲେ।

ତାଙ୍କୁ ଗୁରୁତର ଅବସ୍ଥାରେ ଉଦ୍ଧାର କରାଯାଇ ଆମ୍ବୁଲାନ୍ସରେ ଆନନ୍ଦପୁର ଉପଖଣ୍ଡ ଡାକ୍ତରଖାନା ଅଣାଯାଇଥିଲା। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ଦୁର୍ଘଟଣାରେ ଷଣ୍ଡର ମଧ୍ୟ ମୃତ୍ୟୁ ଘଟିଛି।