News Updates 9th November 2025: ନୂଆପଡ଼ା ନିର୍ବାଚନ: ପ୍ରଚାର ପାଇଁ ଆଜି ଶେଷ ଦିନ, ଦିଲ୍ଲୀ ଉପକଣ୍ଠରେ ବାୟୁ ଗୁଣବତ୍ତା ସୂଚକାଙ୍କ ୪୪୯

ନୂଆଦିଲ୍ଲୀରେ ବିମାନ ଚଳାଚଳରେ ଯାନ୍ତ୍ରିକ ତ୍ରୁଟି ଘଟଣା ପରେ ନେପାଳରେ ଏବେ ସମାନ ସମସ୍ୟା ଦେଖାଦେଇଛି। ରନୱେ ଲାଇଟ୍‌ରେ ଯାନ୍ତ୍ରିକ ତ୍ରୁଟି ଦେଖାଦେବା ପରେ ନେପାଳର ତ୍ରିଭୁବନ ଅନ୍ତର୍ଜାତୀୟ ବିମାନବନ୍ଦରରେ ସମସ୍ତ ଆସୁଥିବା ଏବଂ ବାହାରକୁ ଯାଉଥିବା ବିମାନଗୁଡ଼ିକର ସେବା ବନ୍ଦ କରିଦିଆଯାଇଛି। ବିମାନବନ୍ଦର ଅଧିକାରୀମାନେ କହିଛନ୍ତି ଯେ ସମସ୍ୟାର ସମାଧାନ ନହେବା ପର୍ଯ୍ୟନ୍ତ ବିମାନ ଚଳାଚଳ ସ୍ଥଗିତ ରହିବ। ଅଧିକାରୀଙ୍କ ଅନୁଯାୟୀ, ରନୱେ ଲାଇଟ୍‌ରେ ଯାନ୍ତ୍ରିକ ସମସ୍ୟା ଯୋଗୁଁ ନେପାଳର ତ୍ରିଭୁବନ ଅନ୍ତର୍ଜାତୀୟ ବିମାନବନ୍ଦରରେ ଘରୋଇ ଏବଂ ଅନ୍ତର୍ଜାତୀୟ ଉଭୟ ବିମାନ ଉଡ଼ାଣକୁ ବନ୍ଦ କରାଯାଇଛି। ସୁରକ୍ଷାକୁ ଦୃଷ୍ଟିରେ ରଖି ସମସ୍ତ ଉଡ଼ାଣକୁ ସ୍ଥଗିତ ରଖାଯାଇଛି।

ରାଷ୍ଟୀୟ ରାଜଧାନୀ ନୂଆଦିଲ୍ଲୀ ଏବଂ ଏହାର ଉପକଣ୍ଠରେ ଥିବା ସହରଗୁଡ଼ିକ ପାଇଁ ପ୍ରଦୂ‌ଷଣ ବୃଦ୍ଧି ସବୁଠାରୁ ବଡ଼ ଚିନ୍ତାର କାରଣ ପାଲଟିଛି। ଦୀପାବଳି ପରଠାରୁ ପ୍ରଦୂଷଣର ମାତ୍ରା ବୃଦ୍ଧି ପାଇଛି। ସଞ୍ଜୟ ନଗରରେ ବାୟୁ ଗୁଣବତ୍ତା ସୂଚକାଙ୍କ ୪୪୯ ରେକର୍ଡ କରାଯାଇଛି, ଯାହା ଗମ୍ଭୀର ବର୍ଗ ବୋଲି ବିବେଚନା କରାଯାଇଥାଏ। ୪୦୦ରୁ ଅଧିକ ଏକ୍ୟୁଆଇକୁ ଗମ୍ଭୀର ବିବେଚନା କରାଯାଏ। କେନ୍ଦ୍ରୀୟ ପ୍ରଦୂଷଣ ନିୟନ୍ତ୍ରଣ ବୋର୍ଡ (ସିପିସିବି) ଅନୁଯାୟୀ, ସଞ୍ଜୟ ନଗରର ସ୍ଥିତି  ଅତ୍ୟନ୍ତ ଖରାପ ବର୍ଗରେ ଅଛି।

ନୂଆପଡ଼ା ଉପନିର୍ବାଚନ ପାଇଁ ଚଳିତ ମାସ ନଭେମ୍ବର ୧୧ ତାରିଖରେ ଭୋଟ୍‌ ଗ୍ରହଣ କରାଯିବ। ଏହି ନିର୍ବାଚନ ପାଇଁ ଆଜି ପ୍ରଚାରର ଶେଷ ଦିନ ରହିଛି। ରାଜନୈତିକ ଦଳର ନେତାମାନେ ଆଜି ସନ୍ଧ୍ୟା ସୁଦ୍ଧା ପ୍ରଚାର କରିବେ। ଶାସକ ବିଜେପି, ବିରୋଧୀ ବିଜେଡି ଏବଂ କଂଗ୍ରେସ ପକ୍ଷରୁ ଜୋରଦାର ପ୍ରଚାର ଚାଲିଛି। ଅନ୍ତିମ ସମୟରେ ମତଦାତାଙ୍କୁ ଆକର୍ଷିତ କରିବା ପାଇଁ ନେତା ଓ କର୍ମୀମାନେ ଉଦ୍ୟମ କରିବେ।