🔴 LIVE | News Updates 22th Dec 2025: ଭାରତୀୟମାନେ ଚୀନ୍ ଭିସା ପାଇଁ ଅନଲାଇନରେ ଆବେଦନ କରିପାରିବେ, ଆଜି ଖୋଲିବ ୱିଣ୍ଡୋ, ଆଜି ଓଡ଼ିଶାରେ କଂଗ୍ରେସର ପ୍ରତିବାଦ

କଳାହାଣ୍ଡି: ରନ୍ଧନ ଗ୍ୟାସ ଲିକେଜ ଥିବା ସମୟରେ ଅସାବଧାନତା କାରଣରୁ ନିଆଁ ଲାଗି  କଳାହାଣ୍ଡି ଜିଲ୍ଲା କୋକସରା ବ୍ଲକ ଟେମେରା ଗ୍ରାମର ୪ ଜଣ ଗୁରୁତର ହେବାରୁ ତାଙ୍କୁ କୋକସରା ଡାକ୍ତରଖାନାରେ ଭର୍ତ୍ତି କରାଯାଇଛି। ସୂଚନାମତେ  ଟେମରା ଗ୍ରାମର ଦେବରାଜ ସୁନାନୀଙ୍କ ଘରେ ଆଜି ସକାଳେ ରନ୍ଧନ ଗ୍ୟାସ ସିଲିଣ୍ଡର ଲିକେଜ ହୋଇ ନିଆଁ ଲାଗିବାରୁ ଗ୍ୟାସ ସିଲିଣ୍ଡର ବନ୍ଦ କରିବାକୁ ଯାଇ ଦେବାରାଜ ସୁନାନୀ ତାଙ୍କର ପରିବାର ର ଦୁଷ୍ମନ୍ତ ସୁନାନୀ, ବିକାଶ ସୁନାନୀ,ଭୀମସେନ ପାଣିଗ୍ରାହୀ ନିଆଁ ରେ ପୋଡି ଗୁରୁତର ହୋଇଛନ୍ତି।  କୋକସରା ଡାକ୍ତରଖାନାରେ ଭର୍ତ୍ତି କରାଯାଇଥିଲା  ହେଲେ ଗୁରୁତ୍ୱ ର ହେତୁ ଅଧିକ ଚିକିତ୍ସା ଜିଲ୍ଲା ମୁଖ୍ୟ ଚିକିତ୍ସା ଳୟ କୁ ନେବା ପାଇଁ ଡାକ୍ତର ପରାମର୍ଶ ଦେଇ ଥିବା ଜଣା ପଡିଛି।

ଢେଙ୍କାନାଳ ଓଡାପଡା ବ୍ଲକ, ବିଷ ମିଶା ଖାଦ୍ୟ ଖାଇ ମା ଓ ଦୁଇ ପୁଅ ମୃତ। ସନ୍ଦେହ ଘେରରେ ସଉତୁଣୀ। ଓଡ଼ାପଡ଼ା ବ୍ଲକ କଣ୍ଟାବଣିଆ ଥାନା ଅନ୍ତର୍ଗତ ଅସନବାହାଳି ଗ୍ରାମରେ ଏକ ଅଭାବନୀୟ ଘଟଣା ଘଟି ଗୋଟିଏ ପରିବାରର ମା ଓ ଦୁଇ ପୁଅ ମୃତ ବରଣ କରିଥିଵା ଜଣାପଡିଛି। ମୃତ ବରଣ କରିଥିଵା ମହିଳା ଜଣକ ଅନ୍ତର ସାହୁଙ୍କ ପନ୍ନୀ ଗୋଲାପ ସାହୁ ୫୨ ବର୍ଷ, ପୁତ୍ର ପିଣ୍ଟୁ ସାହୁ ୩୦ ବର୍ଷ ଓ ଲିଟୁ ସାହୁ ୨୪ ବର୍ଷ ବୋଲି ଜଣାପଡିଛି। ଏହାର କାରଣ ଜଣାପଡିନଥିଲେ ମଧ୍ୟ ପାରିବାରିକ କଳହରୁ ଏହି ଘଟଣା ଘଟିଥିବା ସାଧାରଣ ରେ ଆଲୋଚନା ହେଉଛି। ତଦନ୍ତ ପରେ ପ୍ରକୃତ ଘଟଣା ଜଣାପଡିବ ବୋଲି ଗ୍ରାମବାସୀମାନଙ୍କ ସୁତ୍ରରୁ ଜଣାପଡିଛି।

ଆଜି ମନରେଗାର ନାମ ପରିବର୍ତ୍ତନ କରି VB-G ରାମ-G କରିବା ବିରୋଧରେ ଓଡ଼ିଶା ପ୍ରଦେଶ କଂଗ୍ରେସ ପ୍ରତିବାଦ କରିବ। ଏହି ସମୟରେ, ଦିଲ୍ଲୀର ରାଉଜ୍ ଆଭେନ୍ୟୁ କୋର୍ଟ ଅଗଷ୍ଟାୱେଷ୍ଟଲ୍ୟାଣ୍ଡ ହେଲିକପ୍ଟର ଦୁର୍ନୀତି ମାମଲାର ଅଭିଯୁକ୍ତ ଏବଂ ମଧ୍ୟସ୍ଥି ଖ୍ରୀଷ୍ଟିଆନ୍ ମିସେଲ ଜେମ୍ସଙ୍କ ଦ୍ୱାରା ଦାୟର ଆବେଦନର ଶୁଣାଣି କରିବେ। ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ଆଜିଠାରୁ ବୁଥ୍ ସ୍ତରୀୟ ଏଜେଣ୍ଟମାନଙ୍କ ସହିତ ବୈଠକ କରିବେ। ଏହି ସମୟରେ, ଦିଲ୍ଲୀର ପୂର୍ବତନ ମନ୍ତ୍ରୀ ସତ୍ୟେନ୍ଦ୍ର ଜୈନ ଏବଂ ଅନ୍ୟ 13 ଜଣଙ୍କ ବିରୁଦ୍ଧରେ ED ଚାର୍ଜସିଟ୍ ଉପରେ ଶୁଣାଣି ହେବ।

ଆଜିଠାରୁ ଭାରତୀୟମାନେ ଚୀନ୍ ଭିସା ପାଇଁ ଅନଲାଇନରେ ଆବେଦନ କରିପାରିବେ। ଦିଲ୍ଲୀରେ ଥିବା ଚୀନ୍ ଦୂତାବାସ ଏକ ଅନଲାଇନ୍ ଭିସା ୱିଣ୍ଡୋ ଆରମ୍ଭ କରୁଛି। ଏହା ଉଲ୍ଲେଖନୀୟ ଯେ ଗାଲୱାନ୍ ଉପତ୍ୟକା ହିଂସା ପରେ ଭାରତ ଚୀନ୍ ସହିତ ସମ୍ପର୍କ ଛିନ୍ନ କରି ଭିସା ସେବା ସ୍ଥଗିତ କରିଥିବାରୁ ଭାରତ ଏବଂ ଚୀନ୍ ମଧ୍ୟରେ ବିମାନ ସେବା ପାଞ୍ଚ ବର୍ଷ ପରେ ପୁଣି ଥରେ ଆରମ୍ଭ ହୋଇଛି। ଏହା ଏବେ ପୁଣି ଥରେ ଆରମ୍ଭ ହୋଇଛି, ଏବଂ ଏହା ସହିତ ଏକ ଅନଲାଇନ୍ ଭିସା ସେବା ମଧ୍ୟ ରହିଛି।