ରାଜ୍ୟରେ କୁଷ୍ଠ ରୋଗୀଙ୍କ ସଂଖ୍ୟା କ୍ରମାଗତ ବଢୁଛି: ମନ୍ତ୍ରୀ

ଭୁବନେଶ୍ୱର: ରାଜ୍ୟରେ ୧ ଲକ୍ଷ ୪୩ ହଜାର ୬୯୧ କୁଷ୍ଠ ରୋଗୀ ଅଛନ୍ତି । ବିଧାୟକ ଅନନ୍ତ ନାରାୟଣ ଜେନାଙ୍କ ପ୍ରଶ୍ନର ଉତ୍ତର ରଖିଛନ୍ତି ସ୍ୱାସ୍ଥ୍ୟମନ୍ତ୍ରୀ ମୁକେଶ ମହାଲିଙ୍ଗ ଏଭଳି ଉତ୍ତର ପ୍ରଦାନ କରିଛନ୍ତି ।

ବିଧାୟକ ଅନନ୍ତ ନାରାୟଣ ଜେନା ପ୍ରଶ୍ନ କରିଥିଲେ ଯେ, ଓଡ଼ିଶା ରାଜ୍ୟକୁ କୁଷ୍ଠମୁକ୍ତ କରିବା ପାଇଁ ସରକାର ଘୋଷଣା କରିବାବେଳେ ୨୦୦୬ ମସିହାରେ କୁଷ୍ଠ ରୋଗୀଙ୍କ ସଂଖ୍ୟା କେତେ ଥିଲା ତା ପରଠାରୁ କେଉଁ କେଉଁ ମସିହାରେ କୁଷ୍ଠ ରୋଗୀଙ୍କ ସଂଖ୍ୟା ଗଣନା କରାଯାଇ ସେମାନଙ୍କର ସଂଖ୍ୟା ବର୍ଷ ସଂଖ୍ୟା କେତେ ତାହା ପ୍ରକାଶ କରନ୍ତୁ।

୨୦୨୩ -୨୪ ବର୍ଷ ପର୍ଯ଼୍ୟନ୍ତ ଗଣନାନୁଯାୟୀ ମୋଟ କୁଷ୍ଠ ରୋଗୀଙ୍କ ସଂଖ୍ୟା କେତେ ; ଭୁବନେଶ୍ୱରରେ ସେମାନଙ୍କ ବର୍ତ୍ତମାନ ସଂଖ୍ୟା କେତେ; ୨୦୦୬ -୦୭ ଆର୍ଥିକ ବର୍ଷଠାରୁ ପ୍ରତିବର୍ଷ କେତେ ଲେଖାଏଁ ଅନୁଦାନ ୨୦୨୪-୨୫ ଆର୍ଥିକ ବର୍ଷ ପର୍ଯ଼୍ୟନ୍ତ ଆସିଅଛି ଏବଂ ବର୍ଷ ପିଛା କେତେ କେଉଁ କାର୍ଯ଼୍ୟପାଇଁ ଖର୍ଚ୍ଚ ହୋଇଛି ?

ଅଧିକ ପଢ଼ନ୍ତୁ: ୫ ବର୍ଷରେ ସ୍କୁଲ-କଲେଜରେ ୭୨ ଜଣ ଛାତ୍ରଛାତ୍ରୀ ନିଜ ଜୀବନ ହାରିଛନ୍ତି: ବିଧାନସଭାରେ ମୁଖ୍ୟମନ୍ତ୍ରୀଙ୍କ ସୂଚନା

ଏହାର ଉତ୍ତରରେ ମନ୍ତ୍ରୀ କହିଥିଲେ ଯେ, ୨୦୦୬-୦୭ରେ ରାଜ୍ୟରେ ୫୦୮୮ କୁଷ୍ଠ ରୋଗୀ ଥିଲେ । ୨୦୧୮-୧୯ରେ ସର୍ବାଧିକ ୧୦ ହଜାର ୭୮୬ ରୋଗୀ ଚିହ୍ନଟ ହୋଇଥିଲେ ।

୨୦୨୩-୨୪ରେ ୮୩୯୬ ରାଗୀଙ୍କୁ ଚିହ୍ନଟ କରାଯାଇଥିବାବେଳେ ରାଜ୍ୟରେ କ୍ରମାଗତ କୁଷ୍ଠ ରୋଗୀଙ୍କ ସଂଖ୍ୟା ବଢ଼ିବାରେ ଲାଗିଛି।

ଅଧିକ ପଢ଼ନ୍ତୁ: ଶରୀରର ଅତ୍ୟଧିକ ଓଜନ ମହିଳାଙ୍କୁ ନିର୍ଦ୍ଦୋଷ ବୋଲି ପ୍ରମାଣ କଲା