୨୫ରେ ରାଜ୍ୟପାଳଙ୍କ ଅଭିଭାଷଣ, ୨୮ରେ ବଜେଟ ଉପସ୍ଥାପନ

ଭୁବନେଶ୍ୱର: ଦିନକ ପରେ ଅର୍ଥାତ ଜୁନ ୨୫ରୁ ବିଧାନସଭାର ମୌସୁମୀ ଅଧିବେଶନ ଆରମ୍ଭ ହେବ। ମୌସୁମୀ ଅଧିବେଶନ ୨ଟି ପର୍ଯ୍ୟାୟରେ ହେବ ବୋଲି ଜଣାପଡ଼ିଛି। ବିଧାନସଭାର ଅଧିବେଶନ ପ୍ରଥମ ପର୍ଯ୍ୟାୟରେ ଜୁନ ୨୫ରୁ ଜୁଲାଇ ୨ ଯାଏଁ ବସିବାକୁ ଥିବା ବେଳେ ଜୁଲାଇ ୧୨ ରୁ ଅଗଷ୍ଟ ୮ ଯାଏ ଚାଲିବ ଅଧିବେଶନର ଦ୍ୱିତୀୟ ପର୍ଯ୍ୟାୟ ଚାଲିବ।

ସେହିପରି ମୌସୁମୀ ଅଧିବେଶନ ଅବସରରେ ଆଗାମୀ ୨୮ତାରିଖରେ ବଜେଟ ଉପସ୍ଥାନପନ ହେବ। ଏହା ପୂର୍ବରୁ ରାଜ୍ୟପାଳ ପ୍ରଫେସର ଗଣେଶୀ ଲାଲ ଜୁନ ୨୫ରେ ଅଭିଭାଷଣ ପ୍ରଦାନ କରିବେ। ଚଳିତ ବଜେଟ ଅଧିବେଶନରେ ୩୦ଟି କାର୍ଯ୍ୟଦିବସ ରହିଛି। ସରକାରୀ ବିଲ୍‌ ପାଇଁ ୩ ଓ ବେସରକାରୀ ବିଲ୍‌ ପାଇଁ ୩ଟି କାର୍ଯ୍ୟଦିବସ ରହିବ।