ଯୁକ୍ତ ୨ ଖାତାଦେଖା ଆରମ୍ଭ: ମେ’୧୫ ସୁଦ୍ଧା ପରୀକ୍ଷା ଫଳ ପ୍ରକାଶ

ଭୁବନେଶ୍ୱର: ଓଡ଼ିଶାର ଉଚ୍ଚ ମାଧ୍ୟମିକ ଶିକ୍ଷା ପରିଷଦ (ସିଏଚଏସଇ) ବୁଧବାରଠାରୁ ଯୁକ୍ତ ୨ ଛାତ୍ରଛାତ୍ରୀଙ୍କ ଉତ୍ତର ଖାତା ମୂଲ୍ୟାଙ୍କନ ଆରମ୍ଭ କରିଛି। ମୂଲ୍ୟାଙ୍କନ ପ୍ରକ୍ରିୟା ପାଇଁ ପ୍ରାୟ ୮,୦୦୦ ଶିକ୍ଷକଙ୍କୁ ନିଯୁକ୍ତ କରାଯାଇଛି।

ସୂଚନା ଅନୁଯାୟୀ, ଓଡ଼ିଶାର ୩୦ଟି ଜିଲ୍ଲାର ୭୮ଟି କେନ୍ଦ୍ରରେ ମୂଲ୍ୟାଙ୍କନ ପ୍ରକ୍ରିୟା କରାଯାଉଛି। ଖାତା ଦେଖା ଦୁଇଟି ପର୍ଯ୍ୟାୟରେ ହେବ। ପ୍ରଥମ ପର୍ଯ୍ୟାୟ ଏପ୍ରିଲ ୨ ରୁ ୧୪ ପର୍ଯ୍ୟନ୍ତ ଅନୁଷ୍ଠିତ ହେବ। ଏହି ପର୍ଯ୍ୟାୟରେ ୭,୦୦୦ଶିକ୍ଷକ ଉତ୍ତର ଖାତା ମୂଲ୍ୟାଙ୍କନ କରିବେ। ଦ୍ୱିତୀୟ ପର୍ଯ୍ୟାୟ ଏପ୍ରିଲ ୧୬ ରୁ ୨୮ପର୍ଯ୍ୟନ୍ତ ଅନୁଷ୍ଠିତ ହେବ। ଏହି ପର୍ଯ୍ୟାୟ‌ରେ ପ୍ରାୟ ୮,୦୦୦ଶିକ୍ଷକ ସାମିଲ ହେବେ।  ଏହି ଭଳି ପ୍ରାୟ ୧୬,୦୦୦ ପରୀକ୍ଷକ ଖାତାଦେଖାରେ ସାମିଲ ହେବେ।

ସିଏଚଏସଇ ପକ୍ଷରୁ ଏପ୍ରିଲ ୨୮ସୁଦ୍ଧା ମୂଲ୍ୟାୟନ ପ୍ରକ୍ରିୟା ସମାପ୍ତ କରିବାକୁ ଲକ୍ଷ୍ୟ ରଖାଯାଇଛି। ପରୀକ୍ଷା ଫଳ ମେ’ ୧୦ ରୁ ୧୫ ମଧ୍ୟରେ ଘୋଷଣା ହେବାର ଆଶା କରାଯାଉଛି।

ଜାରି ରହିଥିବା ଗ୍ରୀଷ୍ମପ୍ରବାହ ପରିସ୍ଥିତିକୁ ଦୃଷ୍ଟିରେ ରଖି ବୋର୍ଡ ପକ୍ଷରୁ ମୂଲ୍ୟାୟନକାରୀଙ୍କ ସୁବିଧା ସୁନିଶ୍ଚିତ କରିବା ପାଇଁ ମୂଲ୍ୟାଙ୍କନ ପ୍ରକ୍ରିୟାକୁ ଦୁଇଟି ସିଫ୍ଟରେ ପରିଚାଳନା କରିବାକୁ ନିଷ୍ପତ୍ତି ନିଆଯାଇଛି।

ମୂଲ୍ୟାଙ୍କନ ଅଧିବେଶନ ମଧ୍ୟରେ ସକାଳ ଅଧିବେଶନ ସକାଳ ୭:୩୦ ରୁ ୧୨:୩୦ ଏବଂ ଅପରାହ୍ନ ଅଧିବେଶନ ଅପରାହ୍ନ ୧:୩୦ ରୁ ସନ୍ଧ୍ୟା ୬:୩୦ ପର୍ଯ୍ୟନ୍ତ ଅନୁଷ୍ଠିତ ହେବ।

ଅଧିକ ପଢ଼ନ୍ତୁ: ତାତିରୁ ମିଳିବ ସାମୟିକ ଆଶ୍ବସ୍ତି: ୧୫ ଜିଲ୍ଲାରେ କାଳବୈଶାଖୀ ପୂର୍ବାନୁମାନ

ଉଲ୍ଲେଖଯୋଗ୍ୟ ଯେ, କଳା, ବାଣିଜ୍ୟ, ବିଜ୍ଞାନ ଏବଂ ଧନ୍ଦାମୂଳକ ଶିକ୍ଷା ଷ୍ଟ୍ରିମରେ ମୋଟ ୩.୯ ଲକ୍ଷ ଛାତ୍ରଛାତ୍ରୀ ଯୁକ୍ତ ୨ ବୋର୍ଡ ପରୀକ୍ଷା ଦେଇଛନ୍ତି।

ଚଳିତ ବର୍ଷ, ମୋଟ ୨୪ ଲକ୍ଷ ପରୀକ୍ଷା ପତ୍ର ଅନଲାଇନ ଏବଂ ଅଫଲାଇନରେ ମୂଲ୍ୟାୟନ କରାଯିବ। ପ୍ରତ୍ୟେକ ଶିକ୍ଷକ ପ୍ରତିଦିନ ପାଞ୍ଚ ଘଣ୍ଟା ମଧ୍ୟରେ ୩୦ ଟି ଉତ୍ତରପତ୍ର ମୂଲ୍ୟାଙ୍କନ କରିପାରିବେ।  ସେମାନଙ୍କୁ ଗୋଟିଏ ଦିନରେ ୫୦ ମାର୍କର ୨୦ଟି ଉତ୍ତରପତ୍ର ଏବଂ ୮୦ ମାର୍କର ୩୦ଟି ଉତ୍ତରପତ୍ର ମୂଲ୍ୟାଙ୍କନ କରିବାକୁ ନିର୍ଦ୍ଦେଶ ଦିଆଯାଇଛି।

ଏହା ସହିତ, ସ୍ୱଚ୍ଛତା ସୁନିଶ୍ଚିତ କରିବା ପାଇଁ, ସିଏଚଏସଇ ଦୁଇ ଜଣ ପୃଥକ ଶିକ୍ଷକଙ୍କ ଦ୍ୱାରା ଶୂନ୍ ମାର୍କ ଥିବା ଖାତାର ପୁନଃମୂଲ୍ୟାୟନ କରିବାକୁ ନିଷ୍ପତ୍ତି ନେଇଛି।

ଅଧିକ ପଢ଼ନ୍ତୁ: ଶିଶୁ ବାଟିକାରେ ଖଡ଼ିଛୁଆଁ: ମୁଖ୍ୟମନ୍ତ୍ରୀ ଜଣାଇଲେ ଶୁଭେଚ୍ଛା

CHSE