ବାତ୍ୟା ଫନି ପୂର୍ବରୁ ଶାନ୍ତ ପଡିଥିବା ଭୁବନେଶ୍ୱର ରେଳଟ୍ରାକ ଉପରେ ଆଜି ଠାରୁ ପୁଣିଥରେ ଚଳାଚଳ କରିବ ଟ୍ରେନ, ଗଡିବ ପାଖାପାଖି ୧୪ଟି ପାସେଞ୍ଜର ଟ୍ରେନ

ଭୁବନେଶ୍ୱର : ଭୁବନେଶ୍ୱରରୁ ଆଜି ଠାରୁ ସ୍ୱାଭାବିକ ହେବ ରେଳ ଚଳାଚଳ । ପୁଣିଥରେ ଭୁବନେଶ୍ୱର ଟ୍ରାକରେ ଦୌଡିବ ଭାରତୀୟ ରେଳ । ବାତ୍ୟା ଫନି ପୂର୍ବରୁ ଶାନ୍ତ ପଡିଥିବା ଭୁବନେଶ୍ୱର ରେଳଟ୍ରାକ ଉପରେ ଆଜି ଠାରୁ ପୁଣିଥରେ ଚଳାଚଳ କରିବ ଟ୍ରେନ । ପୂର୍ବ ନିର୍ଦ୍ଧାରିତ ସମୟ ମୁତାବିକ ଆଜି ପୁଣିଥରେ ରେଳ ଚଳାଚଳ ଆରମ୍ଭ ହେବ। ପାଖାପାଖି ୧୪ଟି ପାସେଞ୍ଜର ଟ୍ରେନ ଆଜିଠୁ ଗଡିବ ।

ଫନି ବାତ୍ୟା ଯେଉଁଭଳି ତାଣ୍ଡବ ରଚିଥିଲା ସେଥିରେ ଭୁବନେଶ୍ୱର ରେଲୱେ ଷ୍ଟେସନ ସବୁଠୁ ଅଧିକ କ୍ଷତିଗ୍ରସ୍ତ ହୋଇଥିଲା । ଭୁବନେଶ୍ୱର ରେଲୱେ ଷ୍ଟେସନର ଛାତ ଉଡିଯାଇଥିବା ବେଳେ ବାତ୍ୟାର ୨୪ ଘଣ୍ଟା ମଧ୍ୟରେ ପୁଣିଥରେ ରେଳ ଚଳାଚଳ ଆରମ୍ଭ କରିବାକୁ ଯାଉଛି ।

ଉଲ୍ଲେଖଯୋଗ୍ୟ ଯେ, ସମ୍ଭାବ୍ୟ ବାତ୍ୟା ଫନିକୁ ଦୃଷ୍ଟିରେ ରଖି ପୂର୍ବତଟ ରେଳବାଇ ପକ୍ଷରୁ ଟ୍ରେନ୍‌ଗୁଡ଼ିକୁ ବାତିଲ କରାଯିବ ସହ କେତେକ ଟ୍ରେନ୍‌ର ଗନ୍ତବ୍ୟ ସ୍ଥଳରେ ପରିବର୍ତନ କରାଯାଇଥିଲା। ଏବେ ସ୍ଥିତିରେ ଉନ୍ନତି ଦେଖାଦେବାରୁ ଆଜିଠାରୁ ଟ୍ରେନ୍‌ ଚଳାଚଳ  ସ୍ୱାଭାବିକ ହେବାକୁ ଯାଉଛି।