ଘରେ କଳାକନା ବୁଲାଇଲେ: ଲୁଟି ନେଲେ ସୁନା, ରୁପା, ନଗଦ ଟଙ୍କା ଓ ମୋଟର ସାଇକେଲ

ଗଞ୍ଜାମ: ଗଞ୍ଜାମ ଜିଲ୍ଲାର ଖଲ୍ଲିକୋଟ ପୁଲିସ ସୀମା ଅନ୍ତର୍ଗତ ବାକୁଟାଗାମ ଗାଁର ଏକ ଘରୁ ବୁଧବାର-ଗୁରୁବାର ବିଳମ୍ବିତ ରାତିରେ ଦୁର୍ବୃତ୍ତମାନେ ସୁନା, ରୁପା, ନଗଦ ଟଙ୍କା ଏବଂ ଏକ ମୋଟର ସାଇକେଲ ଲୁଟି ନେଇଛନ୍ତି।

ଚୋରି ହୋଇଥିବା ଘର ମାଲିକଙ୍କ ନାମ ବୁଲା ପଲେଇ ବୋଲି ଜଣାପଡ଼ିଛି।

ରିପୋର୍ଟ ଅନୁସାରେ, ବୁଲା ପଲେଇ ଏବଂ ତାଙ୍କ ପରିବାର ଗ୍ରାମ ମେଳାରେ ଯୋଗ ଦେବାକୁ ବାହାରକୁ ଯାଇଥିବା ସମୟରେ ଚୋରି ଘଟିଥିଲା। ସେମାନଙ୍କ ଅନୁପସ୍ଥିତିର ସୁଯୋଗ ନେଇ, ଚୋରମାନେ ମୁଖ୍ୟ ଦ୍ୱାର ଭାଙ୍ଗି ଘରେ ପ୍ରବେଶ କରିଥିବା ଅଭିଯୋଗ ହୋଇଛି।

ଅଧିକ ପଢ଼ନ୍ତୁ: ଆଜିଠାରୁ ୩ ମାସ ପର୍ଯ୍ୟନ୍ତ ପର୍ଯ୍ୟଟକଙ୍କ ପାଇଁ ଭିତରକନିକା ଜାତୀୟ ଉଦ୍ୟାନ ବନ୍ଦ

ପଲେଇ ଅଭିଯୋଗ କରିଛନ୍ତି ଯେ, ଚୋରମାନେ ଦୁଇଭରି ସୁନା, ୫ ଭରି ରୁପା, ଏକ ୟୁନିକର୍ଣ୍ଣ ମୋଟରସାଇକେଲ ଏବଂ ନଗଦ ୧୨,୦୦୦ଟଙ୍କା ଲୁଟି ନେଇଛନ୍ତି।

ସୂଚନା ପାଇ ଖଲ୍ଲିକୋଟ ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି।

ଅଧିକ ପଢ଼ନ୍ତୁ: ସ୍କୁଲ ପରିସରରୁ ୨୦ ଫୁଟିଆ ଅହିରାଜ ଉଦ୍ଧାର

 ganjam | Crime