କରଞ୍ଜିଆ: ମୟୂରଭଞ୍ଜ ଜିଲ୍ଲାର କରଞ୍ଜିଆର ଭାନରା ଛକରେ ଏକ ଦୁର୍ଘଟଣା ଘଟିଛି। ବୁଧବାର ସକାଳେ ଏକ ସ୍କୁଲ ଭ୍ୟାନ୍ ରାସ୍ତା କଡ଼କୁ ଓଲଟି ପଡ଼ିଥିଲା। ଭ୍ୟାନ୍‌ରେ ଥିବା  ୧୦ ଜଣ ଛାତ୍ରଛାତ୍ରୀ ଆହତ ହୋଇଛନ୍ତି।

Advertisment

ସୂଚନା ଅନୁଯାୟୀ, ଏହି ଅଞ୍ଚଳର ଏକ ଘରୋଇ ସ୍କୁଲର ଏକ ସ୍କୁଲ ଭ୍ୟାନ୍ ୧୦ ଜଣ ଛାତ୍ରଛାତ୍ରୀଙ୍କୁ ନେଇ ଯାଉଥିବା ବେଳେ ଭାରସାମ୍ୟ ହରାଇ ଓଲଟି ପଡ଼ିଥିଲା। ଏହି ଘଟଣାରେ ଦୁଇ ଜଣ ଛାତ୍ର ଏବଂ ସହାୟକ ଆହତ ହୋଇଛନ୍ତି।

ସ୍ଥାନୀୟ ଲୋକେ ଆହତମାନଙ୍କୁ  ଉଦ୍ଧାର କରି ଚିକିତ୍ସାଲାଗି କରଞ୍ଜିଆ ମେଡିକାଲକୁ ପଠାଇଛନ୍ତି। ଖବର ପାଇଁ ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି।

କିନ୍ତୁ, ଏହି ଘଟଣା ସ୍ଥାନୀୟ ଲୋକଙ୍କୁ ଉତ୍ତେଜିତ କରିଛି। ‌ଉତ୍ତ୍ୟକ୍ତ ଲୋକେ ବୁଧବାର ସକାଳେ ପ୍ରତିବାଦ କରିବା ସହିତ ରାସ୍ତା ଅବରୋଧ କରିଛନ୍ତି।  ଉତ୍ତ୍ୟକ୍ତ ଲୋକେ ଗାଡ଼ିରେ ଅତ୍ୟଧିକ ଛାତ୍ରଛାତ୍ରୀଙ୍କୁ ବସାଇବା ବିରୋଧରେ କଠୋର କାର୍ଯ୍ୟାନୁଷ୍ଠାନ ଦାବି କରିଥିଲେ।

 ଅଧିକ ପଢ଼ନ୍ତୁ: ପିଲାଙ୍କୁ ଖଡ଼ି ଛୁ୍ଆଁଇଲେ ମୁଖ୍ୟମନ୍ତ୍ରୀ

ସ୍ଥାନୀୟ ଲୋକେ କହିଛନ୍ତି, ଡ୍ରାଇଭର ଗାଡ଼ିରେ କ୍ଷମତାଠାରୁ ଅଧିକ ଛାତ୍ରଛାତ୍ରୀଙ୍କୁ ନେଇଯାଉଥିଲେ, ଯାହା ଫଳରେ ଗାଡ଼ିଟି ଓଲଟି ପଡ଼ିଥିଲା। ଏନେଇ ଆମେ ସରକାରଙ୍କ ହସ୍ତକ୍ଷେପ ଏବଂ ଆମ ପିଲାମାନଙ୍କ ଜୀବନକୁ ବିପଦରେ ପକାଇଥିବା ମାଲିକଙ୍କ ବିରୁଦ୍ଧରେ କଠୋର କାର୍ଯ୍ୟାନୁଷ୍ଠାନ ଦାବି କରୁଛୁ ବୋଲି ଲୋକେ କହିଛନ୍ତି।

 ଅଧିକ ପଢ଼ନ୍ତୁ: କ୍ଷୀର ଟ୍ୟାଙ୍କରକୁ ଧକ୍କା ଦେଲା ହାଇୱା: ୨ ଡ୍ରାଇଭର ଫେରାର

Mayurbhanj | Accident