ଝିଅ ଘରକୁ ଯାଉଥିଲେ, ନଦୀରେ ଭାସିଗଲେ

ଥୁଆମୂଳ ରାମପୁର: କଳାହାଣ୍ଡି ଜିଲ୍ଲା ଥୁଆମୂଳ ରାମପୁର ବ୍ଲକ କାଚେଲେଖା ଗ୍ରାମର ମାସିଆ ମାଝୀ (୫୨) ଶନିବାର ନଦୀ ପାରି ହେବାବେଳେ  ଭାସିଯାଇ ପ୍ରାଣ ହରାଇଛନ୍ତି।  ସେ ଝିଅ ଘର ବାରଙ୍ଗପଦରକୁ ଯାଉଥିଲେ।

ଅପରାହ୍ନ ୫ଟାରେ ଗାଁ ନିକଟରେ ପ୍ରବାହିତ ହେଉଥିବା କେରପାଇ-କାଚେଲେଖା ନଦୀ ପାରି ହେଉଥିଲେ। ଏହି ସମୟରେ ସେ ନଦୀରେ ଭାସିଯାଇଥିଲେ। ପରିବାର ଲୋକେ ନଦୀକୂଳରେ ବହୁ ଖୋଜାଖୋଜି କରିବା ପରେ ୧ କିମି ଦୂର ପିଣ୍ଡାପଦର ନିକଟରେ ମୃତଦେହ ପଡ଼ିଥିବା ଦେଖିଥିଲେ।