କର୍ମଚାରୀ କରୋନା ପଜିଟିଭ୍ ଚିହ୍ନଟ ହେବା ପରେ ଭୁବନେଶ୍ୱର ଉପଜିଲ୍ଲାପାଳ ଏବଂ ତହସିଲଦାରଙ୍କ କାର୍ଯ୍ୟାଳୟକୁ ଦୁଇ ଦିନ ପାଇଁ ବନ୍ଦ କଲା ବିଏମସି

ଭୁବନେଶ୍ୱର: କେତେକ କର୍ମଚାରୀ କରୋନା ପଜିଟିଭ୍ ଚିହ୍ନଟ ହେବା ପରେ ଭୁବନେଶ୍ୱର ଉପଜିଲ୍ଲାପାଳ ଏବଂ ତହସିଲଦାରଙ୍କ କାର୍ଯ୍ୟାଳୟକୁ ଦୁଇ ଦିନ ପାଇଁ ବନ୍ଦ କରାଯାଇଛି। ଏନେଇ ବିଏମସି ପକ୍ଷରୁ ସୂଚନା ଦିଆଯାଇଛି। ଜନସାଧାରଣଙ୍କ ସ୍ୱାର୍ଥରେ ଏବଂ ଏହି କରୋନା ସଂକ୍ରମଣକୁ ରୋକିବା ପାଇଁ ଉଭୟ ସରକାରୀ କାର୍ଯ୍ୟାଳୟକୁ ଦୁଇ ଦିନ ଅର୍ଥାତ୍ ସେପ୍ଟେମ୍ବର ୧୭ ଏବଂ ୧୮ ତାରିଖ ସିଲ୍ କରାଯାଇଛି ବୋଲି ବିଏମସି ପକ୍ଷରୁ କୁହାଯାଇଛି।

ବିଏମସି ନିମ୍ନଲିଖିତ ସର୍ତ୍ତ ସହିତ ଏହି ନିର୍ଦ୍ଦେଶ ଜାରି କରିଛି। ଉଭୟ ସରକାରୀ କାର୍ଯ୍ୟାଳୟର ପରିସର ରାଜ୍ୟ ସରକାର ଏବଂ କେନ୍ଦ୍ର ସରକାରଙ୍କ ଦ୍ବାରା ଜାରି କରାଯାଇଥିବା ନିର୍ଦ୍ଦେଶାବଳୀକୁ କଡାକଡି ପାଳନ କରି ସମ୍ପୃକ୍ତ ମୁଖ୍ୟଙ୍କ ଦ୍ବାରା ତୁରନ୍ତ ଶୋଧନ କରାଯିବ।

ବିଏମସିର ପ୍ରାଧିକୃତ କର୍ମଚାରୀଙ୍କୁ ଛାଡ଼ି, ସିଲ୍ ଅବଧି ମଧ୍ୟରେ ଅନ୍ୟ କାହାକୁ ଦୁଇଟି କାର୍ଯ୍ୟାଳୟ ପରିସର ଭିତରକୁ କିମ୍ବା ବାହାରକୁ ଯିବାକୁ ଦିଆଯିବ ନାହିଁ।

ସଂକ୍ରମିତ ଲୋକଙ୍କୁ ନିଜ ନିଜ ଘରେ ଅଲଗା ରହିବାକୁ ନିର୍ଦ୍ଦେଶ ଦିଆଯାଇଛି। ଅଧିକନ୍ତୁ, ଯଦି କୌଣସି ପଜିଟିଭ୍ ଚିହ୍ନଟ କର୍ମଚାରୀ ଚିକିତ୍ସା ଆବଶ୍ୟକ କରନ୍ତି, କାର୍ଯ୍ୟାଳୟର ମୁଖ୍ୟମାନଙ୍କୁ ତୁରନ୍ତ ବିଏମସି ସହିତ ଯୋଗାଯୋଗ କରିବାକୁ ନିର୍ଦ୍ଦେଶ ଦିଆଯାଇଛି।

ଯଦି ଅନ୍ୟ କର୍ମଚାରୀମାନଙ୍କଠାରେ କୋଭିଡ ଲକ୍ଷଣ ଦେଖାଯାଏ, ତେବେ ସେମାନଙ୍କର ତୁରନ୍ତ ପରୀକ୍ଷା ଏବଂ କରାଯିବାକୁ କୁହାଯାଇଛି।

ସେପ୍ଟେମ୍ବର ୨୦ ତାରିଖରେ ଦୁଇଟି କାର୍ଯ୍ୟାଳୟର ସମସ୍ତ କର୍ମଚାରୀଙ୍କ ପାଇଁ ଏକ ଆରଟିପିସିଆର୍ ପରୀକ୍ଷା ଶିବିର କରାଯିବ, ଯେଉଁଠାରେ ସମସ୍ତ ଅଧିକାରୀ, କର୍ମଚାରୀ, ଗୃହରକ୍ଷୀ ଏବଂ ସୁରକ୍ଷା କର୍ମୀଙ୍କର କରୋନା ପରୀକ୍ଷା କରାଯିବ।