ଧର୍ମଶାଳା ଏବିଡିଓଙ୍କ ଘରେ ଭିଜିଲାନ୍ସ ଚଢ଼ଉ: ୭ଟି ସ୍ଥାନରେ ତଲାସୀ ଆରମ୍ଭ

ଯାଜପୁର: ଦୁର୍ନୀତିଗ୍ରସ୍ତ ସରକାରୀ ଅଧିକାରୀଙ୍କ କରିବା ପାଇଁ ଓଡ଼ିଶା ଭିଜିଲାନ୍ସ ଗୁରୁବାର ସକାଳେ ଯାଜପୁର ଜିଲ୍ଲାର ଧର୍ମଶାଳା ବ୍ଲକର ଏବିଡିଓଙ୍କ ୭ଟି ସ୍ଥାନରେ  ତଲାସୀ ଆରମ୍ଭ କରିଛି। ଏବିଡିଓଙ୍କୁ ଅସିତ କୁମାର ପାତ୍ର ଭାବରେ ଚିହ୍ନଟ କରାଯାଇଛି।

ରିପୋର୍ଟ ଅନୁଯାୟୀ, ଗୁରୁବାର ଧର୍ମଶାଳା ବ୍ଲକର ଅତିରିକ୍ତ ବ୍ଲକ ଉନ୍ନୟନ ଅଧିକାରୀ(ଏବିଡିଓ) ଅସିତ କୁମାର ପାତ୍ରଙ୍କ ଦ୍ୱାରା ତାଙ୍କ ଆୟ ଉତ୍ସଠାରୁ ଅଧିକ ଆୟ ବର୍ହିଭୂତ ସମ୍ପତ୍ତି(ଡିଏ) ଅର୍ଜନ ଅଭିଯୋଗରେ, ଓଡ଼ିଶା ଭିଜିଲାନ୍ସ ଦ୍ୱାରା ଏକକାଳୀନ ତଲାସୀ କରାଯାଉଛି।

କଟକର ସ୍ୱତନ୍ତ୍ର ଭିଜିଲାନ୍ସ ବିଚାରପତି ଜଜଙ୍କ,ଦ୍ୱାରା ଜାରି ହୋଇଥିବା ସର୍ଚ୍ଚ ୱାରେଣ୍ଟ ବଳରେ ୮ ଜଣ ଡିଏସପି, ୯ ଜଣ ଇନ୍ସପେକ୍ଟର ଏବଂ ଅନ୍ୟାନ୍ୟ ସହାୟକ କର୍ମଚାରୀଙ୍କ ନେତୃତ୍ୱରେ ଯାଜପୁର, କଟକ, ଭଦ୍ରକ ଏବଂ ଭୁବନେଶ୍ୱର (ଖୋର୍ଦ୍ଧା) ଜିଲ୍ଲାର ୭ଟି ସ୍ଥାନରେ ତଲାସୀ ଚାଲିଛି।

ଅଧିକ ପଢ଼ନ୍ତୁ: ଜଗନ୍ନାଥ ମନ୍ଦିରରୁ ଲୁଟିନେଲେ

ଯାଜପୁର ରୋଡ୍‌ର କହ୍ନେଇପୁର ନିକଟରେ ଚୋରଡାରେ ଅବସ୍ଥିତ ଅସିତ କୁମାର ପାତ୍ରଙ୍କ ଚାରି ମହଲା ବିଶିଷ୍ଟ କୋଠା।
କଟକର ଚାଉଳିଆଗଞ୍ଜର ମେଟ୍ରୋ ଆଭେନ୍ୟୁ ଆପାର୍ଟମେଣ୍ଟରେ ତାଙ୍କର ଫ୍ଲାଟ୍ ନମ୍ବର ୪୦୪ (ଏ), ଚତୁର୍ଥ ମହଲା।
ଯାଜପୁର ଥାନା/ଜିଲ୍ଲା ସୁନ୍ଦରୀମୁହାଣ ନିକଟସ୍ଥ ଗରାଦେଶ୍ୱରରେ ତାଙ୍କ ଜନ୍ମସ୍ଥାନରେ ମଧ୍ୟ ଚଢ଼ଉ କରାଯାଉଛି।
ଭଦ୍ରକ ଭଣ୍ଡାରୀ ପୋଖରୀର ସାନବାନାସ୍ତା ଗ୍ରାମରେ ଅବସ୍ଥିତ ତାଙ୍କ ସମ୍ପର୍କୀୟଙ୍କ ଘର। 
ଅସିତ କୁମାର ପାତ୍ରଙ୍କ ଆବାସିକ ସରକାରୀ କ୍ୱାର୍ଟର, ଏବିଡିଓ, ଧର୍ମଶାଳା ବ୍ଲକ, ଜିଲ୍ଲା-ଯାଜପୁର।
ଯାଜପୁର ଜିଲ୍ଲା ଧର୍ମଶାଳା ବ୍ଲକରେ ତାଙ୍କ କାର୍ଯ୍ୟାଳୟ କକ୍ଷ।
ଭୁବନେଶ୍ୱରର ଚନ୍ଦ୍ରଶେଖରପୁରରେ ଅବସ୍ଥିତ ତାଙ୍କର ବାସସ୍ଥାନ ଜମିରେ ଚଢ଼ଉ ଜାରି ରହିଛି।

ଅଧିକ ପଢ଼ନ୍ତୁ: ଜମ୍ମୁ-କଶ୍ମୀରର ତ୍ରାଲରେ ଏନକାଉଣ୍ଟର: ଜଣେ ଆତଙ୍କବାଦୀ ନିହତ

Odisha Vigilance