କୋଭିଡ କଟକଣା ଉଲ୍ଲଂଘନ, କୋଟିଏ ୫୮ ଲକ୍ଷ ଟଙ୍କା ଜରିମାନା ଆଦାୟ

କଟକ : କୋଭିଡ ନିୟମ ଉଲ୍ଲଂଘନ କରି ଥିବା ଅମାନିଆଙ୍କ ଠାରୁ ୫ ଦିନରେ ଦେଢ କୋଟି ଟଙ୍କାରୁ ଅଧିକ ଜରିମାନା ଆଦାୟ କଲାଣି ପୁଲିସ। ପାଞ୍ଚ ଦିନ ଭିତରେ ମୋଟ ୫୬ ହଜାର ୨୫୬ଜଣଙ୍କଠାରୁ ୧ କୋଟି ୫୮ଲକ୍ଷ ୭୩ ହଜାର ୨୦୦ଟଙ୍କା ଜରିମାନା‌ ଆଦାୟ କରାଯାଇଛି। ପଞ୍ଚମ ଦିନରେ ସାମାଜିକ ଦୂରତା ବଜାୟ ରଖି ନଥିବା ୧୧୬୧ ଜଣ ବ୍ୟକ୍ତିଙ୍କଠାରୁ ୧ ଲକ୍ଷ ୫୬ ହଜାର ୯୦୦ ଟଙ୍କା ଓ ସର୍ବସସାଧାରଣ ସ୍ଥାନରେ ମୁହଁରେ ମାସ୍କ ପିନ୍ଧି ନ ଥିବା କାରଣରୁ ୧୦ ହଜାର ୧୪୯ ଜଣ ବ୍ୟକ୍ତିଙ୍କଠାରୁ ୩୧ ଲକ୍ଷ ୮୪ ହଜାର ୩୦୦ ଟଙ୍କା ଜରିମାନା ଆଦାୟ କରାଯାଇଛି। ଓଡ଼ିଶା ପୁଲିସ ପକ୍ଷରୁ ଆରମ୍ଭ ହୋଇଥିବା ଏହି ଅଭିଯାନ ଆସନ୍ତା ୧୬ ତାରିଖ ପର୍ଯ୍ୟନ୍ତ ଚାଲିବ। ମାସ୍କ ନ ପିନ୍ଧି ପାଖାପାଖି ୫୦ ହଜାର ଅମାନିଆ ୧ କୋଟି ୪୦ ଲକ୍ଷ ଟଙ୍କାରୁ ଅଧିକ ଜରିମାନା ଦେଇ ସାରିଲେଣି।