ପୋଖରୀରେ ବୁଡ଼ି ମହିଳା ମୃତ   

ଦେବଗଡ଼: ଦେବଗଡ଼ା ଥାନା ଅନ୍ତର୍ଗତ ସମରଖାଇ ଗ୍ରାମରେ ମଙ୍ଗଳବାର ପୋଖରୀରେ ବୁଡ଼ିଯାଇ ଜଣେ ମହିଳାଙ୍କ ମୃତ୍ୟୁ ଘଟିଛି। ମୃତକ ଉକ୍ତ ଗ୍ରାମର ଜୟନ୍ତୀ ମହାକୁଳ (୪୫)। ପ୍ରାପ୍ତ ସୂଚନାନୁଯାୟୀ ଆଜି ଦ୍ବିପ୍ରହରରେ ଜୟନ୍ତୀ ଗାଁ ନିକଟ ପୋଖରୀକୁ ଗାଧେଇବାକୁ ଯାଇଥିଲେ।

ମାତ୍ର ସେଠାରେ ଅସାବଧାନତା ବଶତଃ ପାଣିରେ ବୁଡ଼ି ଯାଇଥିଲେ। ଫଳରେ ଘଟଣା ସ୍ଥଳରେ ହିଁ ତାଙ୍କ ମୃତ୍ୟୁ ଘଟିଥିଲା। ଗ୍ରାମବାସୀଙ୍କଠାରୁ ସୂଚନା ପାଇ ପୁଲିସ୍‌ ଘଟଣା ସ୍ଥଳରେ ପହଞ୍ଚି ଶବ ଜବତ କରିବା ସହ ଏକ ଅପମୃତ୍ୟୁ ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଛି।