ପୋଖରୀରେ ବୁଡ଼ି ଯୁବକ ମୃତ

ଲଇଡ଼ା: ସମ୍ବଲପୁର ଜିଲ୍ଲା କତରବଗା ଥାନା ଅନ୍ତର୍ଗତ ଗଣ୍ଡାକୋନା ଗ୍ରାମର ଗୋପ ରହନାଙ୍କ ପୁଅ ଦ୍ବିତୀୟା ରହନା (୩୫)ଙ୍କ ମଙ୍ଗଳବାର ପୋଖରୀରେ ବୁଡ଼ି ମୃତ୍ୟୁ ଘଟିଛି। ଆଜି ଅପରାହ୍‌ଣ ୩ଟା ବେଳେ ଦ୍ବିତୀୟା ଗାଧୋଇବାକୁ ପୋଖରୀକୁ ଯାଇଥିବା ବେଳେ ସେଠାରେ ଗୋଡ଼ ଖସିଯିବାରୁ ପାଣିରେ ବୁଡ଼ି ଯାଇଥିଲେ। ପରିବାର ଲୋକେ ଓ ଗ୍ରାମବାସୀ ତାଙ୍କୁ ଉଦ୍ଧାର କରି ଲଇଡ଼ା ଡାକ୍ତରଖାନାକୁ ଆଣିଥିଲେ।

ମାତ୍ର ଏଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ଖବର ପାଇ ପୁଲିସ୍‌ ଶବ ଜବତ କରି ବ୍ୟବଚ୍ଛେଦ ପାଇଁ ପଠାଇବା ସହ ଏକ ଅପମୃତ୍ୟୁ ମାମଲା ରୁଜୁ କରି ତଦନ୍ତ ଜାରି ରଖିଛି।