ମୋତେ କ୍ଷମା କରିଦେବ ମା’; ଏଭଳି ଲେଖି ଜୀବନ ହାରିଲେ ନାବାଳିକା

ବାନ୍ଦା(ଉତ୍ତରପ୍ରଦେଶ): ମୋତେ କ୍ଷମା କରିଦେବ ମା’। ଏଭଳି ଲେଖି ଜୀବନ ହାରିଲେ ନାବାଳିକା। ଉତ୍ତରପ୍ରଦେଶର ବାନ୍ଦାରେ ଘଟିଛି ଏଭଳି ଘଟଣା। ନାବାଳିକାଙ୍କୁ ମାତ୍ର ୧୪ବର୍ଷ ହୋଇଥିବା ବେଳେ ସେ କାହିଁକି ନିଜର ଜୀବନ ହାରିଲେ, ତାହା ଜଣାପଡ଼ିନାହିଁ।କୁହାଯାଉଛି ଯେ ଯେତେବେଳେ ସେ ଆତ୍ମହତ୍ୟା କରିଥିଲେ ସେତେବେଳେ ତାଙ୍କ ପିତାମାତା କିଛି କାମ ପାଇଁ ବ୍ୟାଙ୍କ ଯାଇଥିଲେ। ସେମାନେ ବ୍ୟାଙ୍କରୁ ଫେରିବା ପରେ ଘର ଭିତରେ ନାବାଳିକାର ମୃତଦେହ ଝୁଲୁଥିବାର ଦେଖିଥିଲେ।

କୁହାଯାଉଛି ଯେ, ଝିଅର ଏଭଳି ଅବସ୍ଥା ଦେଖି ସେମାନେ ତୁରନ୍ତ ପୁଲିସକୁ ଏ ବିଷୟରେ ଜଣାଇଥିଲେ। ପୁଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ଜବତ କରି ବ୍ୟବଚ୍ଛେଦ ପାଇଁ ପଠାଇଥିଲା। ଏହି ସମୟରେ ପୁଲିସକୁ ମୃତଦେହ ନିକଟରୁ ଏକ ସୁଇସାଇଡ ନୋଟ ମଧ୍ୟ ମିଳିଥିଲା, ଯେଉଁଥିରେ ନାବାଳିକା ନିଜ ମା’ଙ୍କୁ କ୍ଷମା ମାଗିଥିବା ଜଣାଯାଇଛି।

ସୁଇସାଇଡ ନୋଟରେ ନାବାଳିକା ଲେଖିଛନ୍ତି ଯେ 'ଏବେ ନା ମୁଁ ବଞ୍ଚିବି ନା କାହା ସହ କଥା ହେବି। ମୁଁ କାହା ପାଇଁ ନିଜ ଜୀବନ ନେଉ ନାହିଁ। ମୋ ମୃତ୍ୟୁ ପାଇଁ କେହି ଦାୟୀ ନୁହନ୍ତି। ଦୟାକରି ମୋର ପ୍ରିୟ ମା’ ମୋତେ କ୍ଷମା କରିବ। ପୁଲିସ ମୃତକଙ୍କ ମୋବାଇଲ୍ ଫୋନ୍ ମଧ୍ୟ ତଦନ୍ତ ପାଇଁ ପଠାଇଛି। ତାଙ୍କର ସିଡିଆର ବିବରଣୀ ମଧ୍ୟ ବାହାର କରାଯାଉଛି ଯାହା ଦ୍ବାରା ଆତ୍ମହତ୍ୟାର କାରଣ ଜଣା ପଡିପାରିବ। ପୁଲିସ ବିଭିନ୍ନ ଦିଗକୁ ନେଇ ତଦନ୍ତ କରୁଥିବା କହିଛି।