ଲଟେରୀ ଖେଳିବାକୁ ଅଫିସ ଟଙ୍କା ଗାୟବ କରିଦେଲେ କର୍ମଚାରୀ

ପାଟନା: ଲଟେରୀ ନିଶା ଏମିତି ଘାରିଲା ଯେ ନିଜେ କାମ କରୁଥିବା ସଂସ୍ଥାର ଟଙ୍କା ଗାୟବ କରିଦେଲେ | ବିହାର ଜିଲ୍ଲାର କାଇମୁର ଜିଲ୍ଲାର ଦୁର୍ଗାବତୀ ପୁଲିସ ଆଜି ଏଭଳି ଏକ ଘଟଣାର ଖୁଲାସା କରି ଅଭିଯୁକ୍ତକୁ ଗିରଫ କରିଛି | ପୁଲିସ ଅଭିଯୁକ୍ତଙ୍କ ଘରୁ ୧.୫ ଲକ୍ଷ ଟଙ୍କା ଏବଂ ଚୋରି ହୋଇଥିବା ମୋବାଇଲ ଫୋନ ସହ ଟ୍ୟାବ୍, ବାୟୋମେଟ୍ରିକ୍ ମେସିନ୍, ଜବତ କରାଯାଇଛି | ଗିରଫ ଅଭିଯୁକ୍ତ ଅନଲାଇନ୍ ଲଟେରୀ ଖେଳୁଥିଲେ। ତେବେ ଲଟେରୀ ଖେଳିବା ନିଶା ଏମିତି ଘାରିଥିଲା ଯେ ଅଭିଯୁକ୍ତଜଣକ କାମ କରୁଥିବା ଏକ ଘରୋଇ ଫାଇନାନ୍ସ କମ୍ପାନୀର ଟଙ୍କା ହଡପ କରି ଏହି ଲଟେରୀରେ ଲଗାଇଥିଲେ | ଗିରଫ ଅଭିଯୁକ୍ତଙ୍କ ନାମ ହେଉଛି କୁଶ ସିଂ ବୋଲି ଜଣାପଡିଛି।

ସୂଚନା ମୁତାବକ ୨୦୨୪ ମସିହା ଏପ୍ରିଲ ୨୦ ରେ କୁଶ ନାମକ ଜଣେ ବ୍ୟକ୍ତି ପୁଲିସ ଷ୍ଟେସନରେ ଦେଢ଼ ଲକ୍ଷ ଟଙ୍କା ଡକାୟତି ମାମଲା ରୁଜୁ କରିଥିଲେ। ଏହି ଅଭିଯୋଗକୁ ନେଇ ପୁଲିସର ସନ୍ଦେହ ଉପୁଜିଥିଲା | ଯେତେବେଳେ ପୁଲିସ ଏହି ମାମଲାର ତଦନ୍ତ ଆରମ୍ଭ କଲା, ସେତେବେଳେ ଏଭଳି ଅନେକ ଜିନିଷ ସାମ୍ନାକୁ ଆସିଥିଲା ​​ଯାହା ଡକାୟତି ମାମଲା ନକଲି ବୋଲି ଜଣାପଡିଥିଲା। ଏହା ପରେ ପୋଲିସ ଅଭିଯୋଗକାରୀଙ୍କୁ ଗିରଫ କରି ପଚରାଉଚରା ଆରମ୍ଭ କରିଥିଲା। ଏଥିରେ ଅଭିଯୁକ୍ତ କୁଶ କହିଛନ୍ତି ଯେ ସେ ଭାରତ ଫାଇନାନ୍ସ କମ୍ପାନୀରେ ଫିଲ୍ଡ ମ୍ୟାନେଜର ଭାବରେ କାର୍ଯ୍ୟ କରୁଥିଲେ। ସେ ତାଙ୍କ କମ୍ପାନୀରୁ ଦେଢ଼ ଲକ୍ଷ ଟଙ୍କା ହଡପ କରିଥିଲେ ଏବଂ ନକଲି ଡକାୟତି ସମ୍ପର୍କରେ ପୁଲିସକୁ ସୂଚନା ଦେଇଥିଲେ। ଏହି ଟଙ୍କାକୁ ସେ ଅନଲାଇନ ଲଟେରୀ ଖେଳିବାରେ ଲଗାଇଥିଲେ | ପୁଲିସ ଧାରା ୪୦୯, ୪୨୦ରେ ଏକ ମାମଲା ରୁଜୁ କରିଛି |