/sambad/media/agency_attachments/2024-07-24t043029592z-sambad-original.webp)
Follow Us/sambad/media/post_attachments/wp-content/uploads/2021/07/t-179.jpg)
indiatoday.in
ନୂଆଦିଲ୍ଲୀ: ୨୦୨୨ରେ ଉତ୍ତରପ୍ରଦେଶ ବିଧାନସଭା ନିର୍ବାଚନକୁ ଦୃଷ୍ଟିରେ ରଖି ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଅଯୋଧ୍ୟା ନିର୍ବାଚନମଣ୍ଡଳୀରୁ ନିର୍ବାଚନ ଲଢ଼ିପାରନ୍ତି ବୋଲି କଳ୍ପନାଜଳ୍ପନା କରାଯାଉଛି | ଏନେଇ ଅଯୋଧ୍ୟାରୁ ବିଧାନସଭା (ବିଧାୟକ)ର ସଦସ୍ୟ ଥିବା ବେଦ ପ୍ରକାଶ ଗୁପ୍ତା ଆଜି କହିଛନ୍ତି ଯେ, ସେ ମୁଖ୍ୟମନ୍ତ୍ରୀଙ୍କ ପାଇଁ ଆସନ ଛାଡ଼ିବାକୁ ପ୍ରସ୍ତୁତ ଅଛନ୍ତି।
“ଯଦି ମୁଖ୍ୟମନ୍ତ୍ରୀ ଅଯୋଧ୍ୟାରୁ ନିର୍ବାଚନ ଲଢ଼ନ୍ତି ତେବେ ଏହା ଆମ ସମସ୍ତଙ୍କ ପାଇଁ ଗର୍ବର ଏବଂ ସୌଭାଗ୍ୟର ବିଷୟ ହେବ। କିଏ କେଉଁଠାରୁ ପ୍ରତିଦ୍ୱନ୍ଦ୍ୱିତା କରିବ ତାହା ଦଳ ସ୍ଥିର କରିବ। ଅଯୋଧ୍ୟା ମୁଖ୍ୟମନ୍ତ୍ରୀଙ୍କ ଅନ୍ୟତମ ପ୍ରାଥମିକତା ବୋଲି ବିଜେପି ବିଧାୟକ ବେଦ ପ୍ରକାଶ ଗୁପ୍ତା କହିଛନ୍ତି। ଯଦି ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଅଯୋଧ୍ୟାରୁ ପ୍ରତିଦ୍ୱନ୍ଦ୍ୱିତା କରିବାକୁ ଚାହାଁନ୍ତି, ତେବେ ଆମେ ସମସ୍ତେ ତାଙ୍କ ପାଇଁ ପ୍ରଚାର କରିବୁ। ପୁଣିଥରେ ରାଜ୍ୟରେ ବିଜେପି ସରକାର ଗଠନ କରିବ |
/sambad/media/post_attachments/953d22b9fab972e3b8c8efdd4fb608cf0dbc7293cb88ed9a610c41d0cc08040e.jpg)
Zee Newsମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଅଯୋଧ୍ୟାରୁ ଆଗାମୀ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରୁଥିବା ଚର୍ଚ୍ଚା ଉପରେ କଂଗ୍ରେସ ମୁଖପାତ୍ର ସୁରେନ୍ଦ୍ର ରାଜପୁତ କହିଛନ୍ତି ଯେ, “ଯୋଗୀ ଆଦିତ୍ୟନାଥଙ୍କୁ ଅଯୋଧ୍ୟାରୁ ପ୍ରତିଦ୍ୱନ୍ଦ୍ୱିତା କରନ୍ତୁ ବୋଲି ଚାହୁଁଥିବା ବିଧାୟକ ଗତ ଚାରି ବର୍ଷ ମଧ୍ୟରେ ନିର୍ବାଚନମଣ୍ଡଳୀ ପାଇଁ କେଉଁ କାର୍ଯ୍ୟ କରିଛନ୍ତି ତାହା ବ୍ୟାଖ୍ୟା କରିବାକୁ ପଡ଼ିବ। କେତେ ଲୋକଙ୍କୁ ଚାକିରି ଦିଆଯାଇଛି? କେତେ ଗାଁରେ ଉପଯୁକ୍ତ ପାନୀୟ ଜଳ ବ୍ୟବସ୍ଥା ଅଛି? ମହିଳାଙ୍କ ବିରୋଧରେ କେତେ ଅପରାଧ ଘଟିଛି? ପ୍ରତ୍ୟେକ ଗାଁରେ କୋଭିଡ -୧୯ ଯୋଗୁଁ କେତେ ଲୋକଙ୍କର ମୃତ୍ୟୁ ହୋଇଛି?” ଏ ସବୁର ଉତ୍ତର ଦେବାକୁ ପଡ଼ିବ | ଯୋଗୀଜୀ ହେଡଲାଇନ୍ ମ୍ୟାନେଜମେଣ୍ଟର କାର୍ଯ୍ୟ କରୁଛନ୍ତି | ଯଦି ବିଧାୟକ ବେଦ ପ୍ରକାଶ ଗୁପ୍ତା ମୁଖ୍ୟମନ୍ତ୍ରୀଙ୍କ ପ୍ରଶଂସା କରିବା ବନ୍ଦ କରି ନିଜ କ୍ଷେତ୍ରରେ କାମ କରନ୍ତେ, ତେବେ ଭଲ ହୁଅନ୍ତା |