The temperature dropped: ୧୦ ଡିଗ୍ରି ତଳକୁ ଖସିଲା ପାରଦ

ଭୁବନେଶ୍ବର: ଏବେ ସାରା ରାଜ୍ୟରେ ତଳମୁହାଁ ପାରଦ। ଉପକୂଳରୁ ଆଭ୍ୟନ୍ତରୀଣ ହେଉ କି ଉତ୍ତରରୁ ଦକ୍ଷିଣ ଓଡ଼ିଶା। ସବୁଠି ରାତିର ସର୍ବନିମ୍ନ ତାପମାତ୍ରା ହ୍ରାସ ପାଇବାରେ ଲାଗିଛି। ଚଳିତବର୍ଷ ପ୍ରଥମ ଥର ପାଇଁ ଗତକାଲି ରାତିରେ ରାଜ୍ୟର ସର୍ବନିମ୍ନ ତାପମାତ୍ରା ଘୂ.ଉଦୟଗିରିରେ ୮.୪ ଡିଗ୍ରି ରେକର୍ଡ ହୋଇଛି। 

ଦାରିଙ୍ଗବାଡ଼ିରେ ମଧ୍ୟ ସର୍ବନିମ୍ନ ତାପମାତ୍ରା ୧୦ ଡିଗ୍ରିକୁ ଖସି ଆସିଛି। ଏହାବ୍ୟତୀତ ଫୁଲବାଣୀରେ ୧୧, ଝାରସୁଗୁଡ଼ାରେ ୧୧.୬, କିରେଇରେ ୧୨.୨, ସେମିଳିଗୁଡ଼ା ଓ ରାଉରକେଲାରେ ୧୨.୫, ଅନୁଗୁଳରେ ୧୨.୬, ଢେଙ୍କାନାଳରେ ୧୩.୫, କେନ୍ଦୁଝରରେ ୧୩.୮, ଭବାନୀପାଟଣା ଓ ସୁନ୍ଦରଗଡ଼ରେ ୧୪, କୋରାପୁଟରେ ୧୪.୨, ୧ଲାଙ୍ଗୀରରେ ୧୪.୫, ସୋନପୁରରେ ୧୪.୯ ଡିଗ୍ରି ରହିଥିଲା। ମୋଟି ୧୬ଟି ସହରର ପାରଦ ୧୫ ଡିଗ୍ରି ତଳକୁ ଖସି ଆସିଛି। ଭୁବନେଶ୍ବର ତାପମାତ୍ରା ପ୍ରଥମ ଥର ପାଇଁ ୧୫ ଡିଗ୍ରି ତଳକୁ ଖସି ୧୪.୮ ଡିଗ୍ରିରେ ପହଞ୍ଚିଛି। ଗତ ୪ ଦିନ ମଧ୍ୟରେ ଭୁବନେଶ୍ବର ତାପମାତ୍ରା ୫ ଡିଗ୍ରି ହ୍ରାସ ପାଇଛି।