ଲଞ୍ଚ ହେଲା ଜିଓଫାଇନାନ୍ସ ଆପ, ବ୍ୟବହାରକାରୀଙ୍କୁ ମିଳିବ ଏସବୁ ଫାଇଦା

ନୂଆଦିଲ୍ଲୀ: ରିଲାଏନ୍ସ ଇଣ୍ଡଷ୍ଟ୍ରିଜର ଫାଇନାନ୍ସିଆଲ କମ୍ପାନି ଜିଓ ଫାଇନାନ୍ସିଆଲ୍ ସର୍ଭିସେସ୍ ଲିମିଟେଡ୍ ନାମକ ଏକ ନୂତନ ଜିଓ ଫାଇନାନ୍ସ ଆପ୍ ଲଞ୍ଚ କରିଛି। ଗୁଗୁଲ୍ ପ୍ଲେ ଷ୍ଟୋର, ଆପଲ୍ ଆପ୍ ଷ୍ଟୋର୍ ଏବଂ ମାଇଜିଓରୁ ଉପଭୋକ୍ତାମାନେ ଏହି ଆପ୍ ଡାଉନଲୋଡ୍ କରିପାରିବେ । ଜିଓଫାଇନାନ୍ସ ଆପ୍ ଗ୍ରାହକମାନଙ୍କ ପାଇଁ ଅନେକ ଆକର୍ଷଣୀୟ ଅଫର ଆଣିଛି ।

୨୦୨୪ ଅକ୍ଟୋବର ୧୧ ଶୁକ୍ରବାର ଦିନ କମ୍ପାନି ଏକ ନୂତନ ତଥା ଉନ୍ନତ ଜିଓ ଫାଇନାନ୍ସ ଆପ୍ ଲଞ୍ଚ କରିଛି। ଯାହାର ବିଟା ଭର୍ସନ ୨୦୨୪ ମିଇ ୩୦ରେ ଲଞ୍ଚ କରାଯାଇଥିଲା। 

କମ୍ପାନି ପକ୍ଷରୁ ପ୍ରକାଶ, ୬ମିଲିୟନ୍ ଗ୍ରାହକ ଜିଓ ଫାଇନାନ୍ସିଆଲ୍ ସର୍ଭିସେସ୍ ଲିମିଟେଡ ଏହି ନ୍ୟୁ-ଏଜ ଡିଜିଟାଲ୍ ପ୍ଲାଟଫର୍ମକୁ ଅନୁଭବ କରିଛନ୍ତି । ଗ୍ରାହକଙ୍କ ମତାମତ ସହିତ  କମ୍ପାନି ବ୍ୟବହାରକାରୀଙ୍କ ଅନୁରୋଧ କ୍ରମେ ଏହି ଆପକୁ ସୁଧାରିଛି। 

ବିଟା ଭର୍ସନ ଶୁଭାରମ୍ଭ ପରେ ଜିଓ ଫାଇନାନ୍ସ ଆପରେ ଅନେକ ଫାଇନାନ୍ସିଆଲ ପ୍ରଡକ୍ଟସ ଓ ସେବାକୁ ଯୋଡ଼ା ଯାଇଛି। ଯେଉଁଥିରେ ମ୍ୟୁଚୁଆଲ ଫଣ୍ଡରେ ଋଣ, ଘର ଋଣ, ବାଲାନ୍ସ ଟ୍ରାନ୍ସଫର ଏବଂ ସମ୍ପତ୍ତି ବଦଳରେ ଋଣ ସାମିଲ ରହିଛି।  ଏହି ଋଣଗୁଡିକ ବହୁତ ଆକର୍ଷଣୀୟ । ଏହାଦ୍ବାରା ଆମର ଗ୍ରାହକମାନେ ବିପୁଳ ସଞ୍ଚୟ କରିପାରିବେ।

କମ୍ପାନି ପକ୍ଷରୁ ସୂଚନା ମିଳିଛି, ସେଭିଂ ଫ୍ରଣ୍ଟରେ ଜିଓ ପେମେଣ୍ଟ ବ୍ୟାଙ୍କ ଲିମିଟେଡରେ ମାତ୍ର ୫ ମିନିଟରେ ଏକ ଡିଜିଟାଲ ସେଭିଂ ଆକାଉଣ୍ଟ ଖୋଲାଯାଇପାରିବ। ବାୟୋମେଟ୍ରିକ୍ ପ୍ରାମାଣିକିକରଣ ଏବଂ ଶାରୀରିକ ଡେବିଟ୍ କାର୍ଡ ମାଧ୍ୟମରେ କମ୍ପାନି ସୁରକ୍ଷିତ ବ୍ୟାଙ୍କ ଆକାଉଣ୍ଟ ପ୍ରଦାନ କରୁଛି । ୧.୫ ମିଲିୟନ୍ ଗ୍ରାହକ ଜିଓ ପେମେଣ୍ଟ ବ୍ୟାଙ୍କ ଲିମିଟେଡ୍ ଉପରେ ସେମାନଙ୍କର ଦୈନିକ ଏବଂ ବାରମ୍ବାର ଖର୍ଚ୍ଚ ପରିଚାଳନା କରୁଛନ୍ତି । ଏହା ବ୍ୟତୀତ ଏଥିରେ ୟୁପିଆଇ ପେମେଣ୍ଟ, ମୋବାଇଲ୍ ରିଚାର୍ଜ, କ୍ରେଡିଟ୍ କାର୍ଡ ବିଲ୍ ମଧ୍ୟ ପ୍ରଦାନ କରାଯାଇପାରିବ।

ଜିଓ ଫାଇନାନ୍ସ ଆପରେ ଉପଭୋକ୍ତାମାନେ ସେମାନଙ୍କର ସମସ୍ତ ମ୍ୟୁଚୁଆଲ୍ ଫଣ୍ଡ୍ ହୋଲ୍ଡିଂ ସହିତ ବିଭିନ୍ନ ବ୍ୟାଙ୍କରେ ଥିବା ହୋଲ୍ଡିଂକୁ ଦେଖିପାରିବେ।

ଅଧକପଢ଼ନ୍ତୁ:https://sambad.in/latest/strike-at-pict-continues-7307215