ସ୍ତ୍ରୀଙ୍କ ସହିତ ଝଗଡ଼ା କରି ସ୍ବାମୀ ନିଜ ଶରୀରରେ ନିଆଁ ଲଗାଇଲେ

ନୂଆଦିଲ୍ଲୀ: ବରେଲିରେ ଜଣେ ବ୍ୟକ୍ତି ନିଜ ଶରୀରରେ ନିଆଁ ଲଗାଇ ରାସ୍ତାରେ ବୁଲିଥିବାର  ଲୋମଟାଙ୍କୁରା ଘଟଣା ସାମ୍ନାକୁ ଆସିଛି। ସ୍ଥାନୀୟଲୋକେ ଉକ୍ତ ବ୍ୟକ୍ତିଙ୍କୁ ଆୟତ୍ତ କରି ନିଆଁ ଲିଭାଇ ଚିକିତ୍ସା ପାଇଁ ହସ୍ପିଟାଲ ନେଇଥିଲେ ହେଁ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ମୃତ ବ୍ୟକ୍ତିଙ୍କ ନାମ ସଲିମ ବୋଲି ଜଣାପଡ଼ିଛି।

ଅଧିକପଢ଼ନ୍ତୁ:ବିଜେଡିକୁ ଦିଆଯାଇଥିବା ଜମିକୁ ଫେରାଇ ଆଣନ୍ତୁ ସରକାର: ଜଗନ୍ନାଥ ପ୍ରଧାନ

ସୂଚନାଯୋଗ୍ୟ, ସକଲେନ ନଗରରେ ରହୁଥିବା ୪୦ବର୍ଷୀୟ ସଲିମ ଅଳିଆ ସଂଗ୍ରହ କାମ କରୁଥିଲେ। ଗତ ରବିବାର ସ୍ତ୍ରୀ ନଜମିନଙ୍କ ସହ ତାଙ୍କର ଝଗଡ଼ା ହୋଇଥିଲା। ଏହି ଝଗଡ଼ାକୁ କେନ୍ଦ୍ର କରି ସଲିମ ରାଗି ଯାଇଥିଲେ।  ନିଜ ରାଗ ଉପରେ ନିୟନ୍ତ୍ରଣ ରକ୍ଷା କରି ନପାରି ସଲିମ ଶରୀରରେ କିରୋସିନ ଢ଼ାଳି ନିଆଁ ଲଗାଇ ଦେଇଥିଲେ। 

ନିଆଁ ଲାଗିବା ପରେ ସଲିମ ଯନ୍ତ୍ରଣାରେ ରାସ୍ତାରେ ଦୌଡ଼ିବାକୁ ଲାଗିଥିଲେ। ସ୍ତ୍ରୀ ନଜମିନ ସ୍ବାମୀଙ୍କ ଏଭଳି ଅବସ୍ଥା ଦେଖି ସ୍ତବ୍ଧ ହୋଇଯାଇଥିଲେ। ସ୍ଥାନୀୟଲୋକେ ତାଙ୍କୁ ଉଦ୍ଧାର କରି ନିଆଁ ଲିଭାଇ ଚିକିତ୍ସା ପାଇଁ ହସ୍ପିଟାଲ ନେଇଥିଲେ। ହେଲେ ଦୁଃଖର ବିଷୟ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।  

ଅଧିକପଢ଼ନ୍ତୁ:ବୁଡ଼ ପକାଇବାକୁ କୁମ୍ଭମେଳାରେ ପହଞ୍ଚିଛନ୍ତି ଷ୍ଟିଭ ଜବ୍‌ସଙ୍କ ବିଧବା ପତ୍ନୀ

ଖବର ପାଇ ପୁଲିସ ଘଟଣାସ୍ଥଳରେ ପହଞ୍ଚି  ସଲିମଙ୍କ ମୃତଦେହକୁ ଜବତ କରି ବ୍ୟବଚ୍ଛେଦ ପାଇଁ ପଠାଇ ଯାଞ୍ଚ ଆରମ୍ଭ କରିଛି।