ଦେହବେପାର ଅଭିଯୋଗ: ଅଭିନେତ୍ରୀଙ୍କ କ୍ୟାରିଅରକୁ ନଷ୍ଟ କରିଦେଲା, ଜେଲ ଯିବାକୁ ପଡିଲା, ଫୋନ୍ ରେକର୍ଡ ସୃଷ୍ଟି କରିଥିଲା ଚାଞ୍ଚଲ୍ୟ

ମୁମ୍ବାଇ: ସେ ତେଲୁଗୁ ଏବଂ ତାମିଲ ଚଳଚ୍ଚିତ୍ରର ଜଣେ ଜଣାଶୁଣା ଅଭିନେତ୍ରୀ ଥିଲେ।କିନ୍ତୁ ତାଙ୍କ ବିରୁଦ୍ଧରେ ଦେହବେପାର ଅଭିଯୋଗ ଆସିଥିଲା।ଯାହା ତାଙ୍କ କ୍ୟାରିଅରକୁ ନଷ୍ଟ କରିଦେଇଥିଲା। ପରେ ସେ ରାଜନୀତି ଜଗତରେ ପ୍ରବେଶ କରିଥିଲେ। ଏହି ଅଭିନେତ୍ରୀଙ୍କ ବିରୋଧରେ ଅଭିଯୋଗ ଏକ ଚାଞ୍ଚଲ୍ୟ ସୃଷ୍ଟି କରିଥିଲା। ପୁଲିସ ତାଙ୍କୁ ଗିରଫ କରିଥିଲା, କିନ୍ତୁ ପରେ ସେ ଅଭିଯୋଗରୁ ନିର୍ଦ୍ଦୋଷ ସାବ୍ୟସ୍ତ ହୋଇଥିଲେ। ସେ ହେଉଛନ୍ତି ଅଭିନେତ୍ରୀ ଭୁବନେଶ୍ୱରୀ।

ଏହା ୨୦୦୯ର ଘଟଣା। ଭୁବନେଶ୍ୱରୀଙ୍କୁ ଦେହବେପାର ଅଭିଯୋଗରେ ଗିରଫ କରାଯାଇଥିଲା। ତାଙ୍କ ଜୀବନ ବହୁତ ବିବାଦୀୟ ହୋଇପଡ଼ିଥିଲା। କିଛି ବର୍ଷ ପୂର୍ବରୁ ଖବର ଆସିଥିଲା,ସେ ତାଙ୍କ ଜୀବନ ଉପରେ ଏକ 'ଡାର୍ଟି ପିକଚର’ ତିଆରି କରିବାକୁ ଚାହୁଁଥିଲେ।

ସେଥିପାଇଁ ସେ ଅନେକ ପ୍ରଯୋଜକଙ୍କ ସହ ମଧ୍ୟ ଯୋଗାଯୋଗ କରିଥିଲେ। ଭୁବନେଶ୍ୱରୀ ଟିଭି ଧାରାବାହିକ 'ଗୋକୁଲମ୍ ଭିଡୁ’ ରେ ଖଳନାୟିକା ଭୂମିକାରେ ଅଭିନୟ କରି ଚର୍ଚ୍ଚାକୁ ଆସିଥିଲେ। ଏହା ପରେ, ସେ 'କୁରକୁରେ' ଚଳଚ୍ଚିତ୍ର ମାଧ୍ୟମରେ ତେଲୁଗୁ ଚଳଚ୍ଚିତ୍ରରେ ଡେବ୍ୟୁ କରିଥିଲେ। କିଛି ସମୟ ମଧ୍ୟରେ, ଭୁବନେଶ୍ୱରୀ ଟେଲିଭିଜନ ଏବଂ ଚଳଚ୍ଚିତ୍ର ଜଗତରେ ଏକ ଜଣାଶୁଣା ଚେହେରା ହୋଇଯାଇଥିଲେ।କିନ୍ତୁ ୨୦୦୯ ରେ ତାଙ୍କର ଗିରଫ ସବୁକିଛି ବଦଳାଇ ଦେଇଥିଲା।

୨୦୦୯ ମସିହାରେ, ପୁଲିସକୁ ଏକ ସୂଚନା ମିଳିଥିଲା ଯେ,ଅଭିନେତ୍ରୀ ଭୁବନେଶ୍ୱରୀ ତାଙ୍କ ଘରୁ ଏକ ଦେହବେପାର ରାକେଟ ଚଳାଉଛନ୍ତି । ଏହି ଆଧାରରେ, ତାଙ୍କୁ ଗିରଫ କରାଯାଇଥିଲା। ତାଙ୍କ ସହିତ ଦୁଇ ଜଣ ମଡେଲ ଏବଂ ଅନ୍ୟ ଦୁଇ ଜଣଙ୍କୁ ମଧ୍ୟ ଗିରଫ କରାଯାଇଥିଲା। ପଡ଼ୋଶୀମାନଙ୍କ ଅଭିଯୋଗ ପରେ ଏହି ଗିରଫ କରାଯାଇଥିଲା।ତାଙ୍କ ଘରେ ଅଶ୍ଳୀଳ କାର୍ଯ୍ୟକଳାପ  ହେଉଥିବାର ପଡୋଶୀ ସନ୍ଦେହ କରୁଥିଲେ। ଭୁବନେଶ୍ୱରୀଙ୍କ ବିରୁଦ୍ଧରେ ଦୁଇ ଜଣ ମଡେଲଙ୍କୁ ଦେହବେପାର କରିବାକୁ ବାଧ୍ୟ କରିଥିବା ଅଭିଯୋଗ ମଧ୍ୟ ହୋଇଥିଲା।

'ଇଟାଇମ୍ସ' ଅନୁଯାୟୀ,  ୨୦୦୯ ମସିହାରେ ଗିରଫ ହେବା ପରେ ଭୁବନେଶ୍ୱରୀ ପୁଲିସକୁ କହିଥିଲେ ଯେ,ରାଜନୈତିକ ଚାପର ବଶବର୍ତ୍ତୀ ନ ହୋଇ  ପୁଲିସ
ଯଦି ତାଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବ, ତେବେ ସେ ଦେହ ବ୍ୟବସାୟରେ ସମ୍ପୃକ୍ତ ଅନ୍ୟ କଳାକାରଙ୍କ ନାମ ପ୍ରକାଶ କରିବେ। ତା'ପରେ ସେ ପଚରାଉଚରା ସମୟରେ ପୁଲିସକୁ କିଛି ଅଭିନେତ୍ରୀଙ୍କ ନାମ କହିଥିଲେ। ପୁଲିସ ଅଧିକାରୀ କହିଥିଲେ, ଆମେ ତାଙ୍କ ମୋବାଇଲ୍ ଫୋନ୍ ରୁ ଦଲାଲଙ୍କ ଫୋନ୍ ନମ୍ବର ବାହାର କରିଛୁ। ସେ ଆମକୁ ଅନେକ ଦଲାଲଙ୍କ ଫୋନ୍ ନମ୍ବର ମଧ୍ୟ ଦେଇଛନ୍ତି। ଆମେ ଦେହ ବ୍ୟବସାୟରେ ସମ୍ପୃକ୍ତ କିଛି ଅଭିନେତ୍ରୀଙ୍କୁ ମଧ୍ୟ ଧରିବୁ। ଭୁବନେଶ୍ବରୀଙ୍କ ଫୋନ୍ ରେକର୍ଡ ସବୁ କିଛି ଓଲଟପାଲଟ କରିଦେଇଥିଲା। ଫିଲ୍ମ ଇଣ୍ଡଷ୍ଟ୍ରିରେ ଚାଞ୍ଚଲ୍ୟ ସୃଷ୍ଟି ହୋଇଥିଲା।

ଅଧିକ ପଢ଼ନ୍ତୁ: ଐଶ୍ୱର୍ଯ୍ୟାଙ୍କୁ 'ପ୍ଲାଷ୍ଟିକ୍', ରଣବୀର କପୁରଙ୍କୁ 'ଲେଡିଜ୍ ମ୍ୟାନ୍' କହି ବିବାଦରେ ଫସିଥିଲେ ଏହି ଅଭିନେତା

ଭୁବନେଶ୍ୱରୀ ତାଙ୍କ ଗିରଫଦାରୀ ପାଇଁ ଦାୟୀ ଲୋକଙ୍କ ନାମ ପ୍ରକାଶ କରିବାକୁ ମଧ୍ୟ ରାଜି ହୋଇଥିଲେ। ଭୁବନେଶ୍ୱରୀଙ୍କ ଫୋନ୍ ଯାଞ୍ଚ କରାଯିବା ପରେ ଜଣାପଡିଲା ଯେ ଅଭିନେତ୍ରୀଙ୍କର ରାଜନେତା ଏବଂ ବରିଷ୍ଠ ସରକାରୀ ଅଧିକାରୀଙ୍କ ସହିତ ମଧ୍ୟ ସମ୍ପର୍କ ଅଛି। ତଥାପି, ଭୁବନେଶ୍ୱରୀ ଦେହବେପାରର ଅଭିଯୋଗକୁ ଅସ୍ୱୀକାର କରିଥିଲେ ଏବଂ କହିଥିଲେ ଯେ,ତାଙ୍କୁ ଗିରଫ କରାଯିବା ସମୟରେ ସେ ବନ୍ଧୁମାନଙ୍କ ସହିତ ସମୟ ବିତାଉଥିଲେ। ସେ କୌଣସି ବେଶ୍ୟାାଳୟ ଚଲାନ୍ତି ନାହିଁ, କିନ୍ତୁ କିଛି ରିପୋର୍ଟ ଅନୁସାରେ, ଭୁବନେଶ୍ୱରୀ ଦେହବେପାରରୁ କୋଟି କୋଟି ଟଙ୍କା ରୋଜଗାର କରିଥିଲେ। ଏହା ମଧ୍ୟ ଦାବି କରାଯାଇଥିଲା ଯେ,ଭୁବନେଶ୍ୱରୀ ଜଣେ ବଡ଼ ନେତାଙ୍କ ପୁଅକୁ ବ୍ଲାକମେଲ୍ କରି ୫୦ କୋଟି ଟଙ୍କା ଆଦାୟ କରିଥିଲେ।

ଦେହବେପାରରୁ କୋଟି କୋଟି ଟଙ୍କା ରୋଜଗାର ଅଭିଯୋଗ ଭୁବନେଶ୍ୱରୀଙ୍କ ଫିଲ୍ମ କ୍ୟାରିଅର ଉପରେ ଦେହବେପାର ଅଭିଯୋଗର ଖରାପ ପ୍ରଭାବ ପଡ଼ିଥିଲା। ସେ କିଛି ବର୍ଷ ପାଇଁ ଚଳଚ୍ଚିତ୍ରରେ କାମ କରିଥିଲେ, ଏବଂ ତା’ପରେ ରାଜନୀତିରେ ପ୍ରବେଶ କରିଥିଲେ। ସେ ରାଜନୈତିକ ଦଳ 'ଅଲ୍ ଇଣ୍ଡିଆ ମୁଭେନ୍ଦର ମୁନ୍ନାନୀ କାଝାଗମ'ର ମହିଳା ଶାଖାର ସଭାପତି ହୋଇଥିଲେ। ଏହା ପରେ, ସେ କହିଥିଲେ ଯେ ଦେହବେପାର ଅଭିଯୋଗରେ ତାଙ୍କୁ ଗିରଫ କରିବା ପରେ ପୁଲିସ
ତାଙ୍କୁ ବହୁତ ହଇରାଣ କରିଥିଲା। ଭୁବନେଶ୍ୱରୀଙ୍କ ଉପରେ ଡିଏମକେ ନେତାଙ୍କ ସହାୟତାରେ ମାମଲାକୁ ଚପାଇବା ଏବଂ ଦୁର୍ବଳ କରିବାକୁ ଚେଷ୍ଟା କରିବାର ଅଭିଯୋଗ ମଧ୍ୟ କରାଯାଇଥିଲା। ପରେ ତାଙ୍କୁ ଏହି ଅଭିଯୋଗରୁ ମୁକ୍ତ କରାଯାଇଥିଲା।

ଅଧିକ ପଢ଼ନ୍ତୁ:ତାଇଓ୍ବାନ ନିକଟରେ ଚୀନ-ଆମେରିକା ମୁହାଁମୁହିଁ

 bhuvaneswari | prostitution-scandal