ସଲମାନଙ୍କ ପୁତୁରା ଗୁଗୁଲରେ‘ତଲାକ୍’ ସର୍ଚ୍ଚ କରିଥିଲେ, ପିତାମାତାଙ୍କ ଛାଡ଼ପତ୍ରର ଏଭଳି ଥିଲା ପ୍ରଭାବ!

ମୁମ୍ବାଇ: ବଲିଉଡ ଅଭିନେତା ସୋହେଲ ଖାନ ଏବଂ ଫ୍ୟାଶନ ଡିଜାଇନର୍ ସୀମା ସାଜଦେହ ପରସ୍ପର ସହମତିରେ ପରସ୍ପରଠାରୁ ଅଲଗା ହେବାକୁ ନିଷ୍ପତ୍ତି ନେଇଥିଲେ। ଖାନ ପରିବାରର ଏହି ଦମ୍ପତିଙ୍କ ଛାଡପତ୍ର ଖବର ନେଇ ସମସ୍ତେ ଆଶ୍ଚର୍ଯ୍ୟ ହୋଇଯାଇଥିଲେ। ଏହି ଖବର ଶୁଣି ଗଣମାଧ୍ୟମ, ପ୍ରଶଂସକ ଏବଂ ଘନିଷ୍ଠ ବ୍ୟକ୍ତିମାନେ ଚକିତ ହୋଇଯାଇଥିଲେ। କିନ୍ତୁ ଛାଡପତ୍ରର ପ୍ରଭାବ ସେମା ଏବଂ ସୋହେଲଙ୍କ ସାନ ପୁଅ ୟୋହାନ ଖାନଙ୍କ ଉପରେ ପଡିଥିଲା। ସୀମାଙ୍କ ବଡ ପୁଅ ନିର୍ବାଣ ଖାନଏ ସମ୍ପର୍କରେ ଏକ ସାକ୍ଷାତକାରରେ କହିଥିଲେ।  

ନେଟଫ୍ଲିକ୍ସ ଶୋ’‘ଫବୁଲସ୍ ଲାଇଫ ଅଫ୍ ବଲିଉଡ୍ ୱାଇଫ୍’ରେ ସୀମା ସାଜଦେହ ତାଙ୍କ ଛାଡପତ୍ର ବିଷୟରେ ଖୋଲି କହିଛନ୍ତି, ଯାହା ତାଙ୍କର ଏବଂ ସୋହେଲ ଖାନଙ୍କ ପରିବାରରେ ବଡ ପରିବର୍ତ୍ତନ ଆଣିଛି। ସୀମାଙ୍କ ସହ ହୋଇଥିବା ଏହି ବାର୍ତ୍ତାଳାପରେ ତାଙ୍କ ବଡ଼ ପୁଅ ନିର୍ବାଣ ମଧ୍ୟ ତାଙ୍କ ସାନଭାଇ ୟୋହାନଙ୍କ ଉପରେ ଏହାର ପ୍ରଭାବ ବିଷୟରେ କହିଥିଲେ। ତାଙ୍କ ପିତାମାତା ଅଲଗା ହେବା ପରେ ଛାଡପତ୍ର ଶବ୍ଦର ଅର୍ଥ ବୁଝିବାକୁ ତାଙ୍କ ସାନ ପୁଅ ୟୋହାନ କିପରି ଚେଷ୍ଟା କରିଥିଲେ ସୀମା ଏହି ଶୋ’ରେ କହିଥିଲେ।

ସୀମା ଏବଂ ସୋହେଲଙ୍କ ବଡ ପୁଅ ନିର୍ବାଣ କହିଛନ୍ତି ଯେ ୟୋହାନ ଗୁଗୁଲରେ ଛାଡପତ୍ର ଶବ୍ଦ ସର୍ଚ୍ଚ କରିଥିଲେ। କାରଣ ସେ ତାଙ୍କ ପିତାମାତାଙ୍କ ମଧ୍ୟରେ କ’ଣ ଘଟିଥିଲା ​​ତାହା ବୁଝି ପାରି ନ ଥିଲେ। ୟୋହାନଙ୍କୁ ବର୍ତ୍ତମାନ ୧୩ ବର୍ଷ ବୟସ ହୋଇଛି, ଯାହାଙ୍କ ଉପରେ ତାଙ୍କ ପିତାମାତାଙ୍କ ଛାଡପତ୍ର ସବୁଠାରୁ ଖରାପ ଏବଂ ଗଭୀର ପ୍ରଭାବ ପକାଇଥିଲା।

ଶୋ’ରେ ଛାଡପତ୍ର ବିଷୟରେ କଥାବାର୍ତ୍ତା କରି ନିର୍ବାଣ କହିଛନ୍ତି, 'ମା-ବାପାଙ୍କ ଛାଡପତ୍ର ସର୍ବସାଧାରଣରେ ଘଟିଥିଲା ​​ଏବଂ ଏହା ଏପରି ଏକ ସମୟରେ ଘଟିଥିଲା ​​ଯେତେବେଳେ ୟୋହାନ ବୋଧହୁଏ ଏହି ଶବ୍ଦର ଅର୍ଥ ମଧ୍ୟ ଜାଣି ନ ଥିଲେ। ମୁଁ ତାଙ୍କୁ ଦେଖିଲି, ସେ ଛାଡପତ୍ରର ଅର୍ଥ ସର୍ଚ୍ଚ କରୁଥିଲେ । ଏହା ତାଙ୍କ ପାଇଁ ସମ୍ପୂର୍ଣ୍ଣ ନୂଆ ଥିଲା ।

ପରିବାର ପାଇଁ ଆଉ ଏକ ଆହ୍ବାନ ଆସିଲା ଯେତେବେଳେ ସୀମା ବାନ୍ଦ୍ରା ଠାରୁ ୱର୍ଲି ସ୍ଥାନାନ୍ତର କରିବାକୁ ନିଷ୍ପତ୍ତି ନେଇଥିଲେ। ଏହି ପରିବର୍ତ୍ତନ ୟୋହାନଙ୍କ ପାଇଁ କଷ୍ଟସାଧ୍ୟ ପ୍ରମାଣିତ ହୋଇଥିଲା କାରଣ ସେ ଅଧିକାଂଶ ସମୟ ବାନ୍ଦ୍ରାର ସାଙ୍ଗମାନଙ୍କ ସହିତ ବିତାଇଥିଲେ।  ନିଜ ଉଦ୍‌ବେଗ ପ୍ରକାଶ କରି ନିର୍ବାଣ କହିଛନ୍ତି, ୟୋହାନଙ୍କ ସବୁ ସାଙ୍ଗମାନେ ବାନ୍ଦ୍ରାରେ ଅଛନ୍ତି। ତାଙ୍କ ଜୀବନ ସେଠାରେ ଆରମ୍ଭ ହୋଇଥିଲା। ସେ ସେହି ଘରେ ଜନ୍ମ ହୋଇଥିଲେ ଯେଉଁଠାରେ ଆମେ ବଢ଼ିଥିଲୁ । ବର୍ତ୍ତମାନ ମା ୱର୍ଲି ଯାଇଛନ୍ତି, ତେଣୁ ଗୋଟିଏ ସ୍ଥାନରୁ ଅନ୍ୟ ସ୍ଥାନକୁ ଯିବା ଆମ ପାଇଁ କଷ୍ଟକର ହୋଇପଡିଛି ।

ଶୋ’ର ଏପିସୋଡରେ ନିର୍ବାଣ ତାଙ୍କ ମା’ଙ୍କୁ ବାନ୍ଦ୍ରାକୁ ଫେରିବାକୁ ପରାମର୍ଶ ଦେଇଥିଲେ ଯାହା ଦ୍ବାରା ସେ ତାଙ୍କ ପୁଅମାନଙ୍କ ନିକଟତର ହୋଇପାରିବେ। ଏହି ସିଜିନର ଶେଷ ପର୍ଯ୍ୟାୟରେ, ସୀମା ନିର୍ବାଣଙ୍କ କଥାକୁ ଗମ୍ଭୀରତାର ସହ ଗ୍ରହଣ କରି ବାନ୍ଦ୍ରାକୁ ଫେରିବାକୁ ନିଷ୍ପତ୍ତି ନେଇଥିଲେ।

ସୂଚନାଯୋଗ୍ୟ, ୨୦୨୨ରେ ସୀମା ଏବଂ ସୋହେଲଙ୍କ ଛାଡପତ୍ର ହୋଇଥିଲା। ଦୁହେଁ ସେମାନଙ୍କର ୨୪ବର୍ଷର ବିବାହ ଶେଷ କରିବାକୁ ନିଷ୍ପତ୍ତି ନେଇଥିଲେ।

ଅଧିକ ପଢ଼ନ୍ତୁ:

ଏହି କାରଣ ପାଇଁ ମଞ୍ଚ ଉପରେ ତେଲୁଗୁ ଅଭିନେତାଙ୍କୁ ମାଡ଼ ମାରିଲେ ମହିଳା

ଭାରତୀୟ ସେନା ପାକିସ୍ତାନ ପାଇଁ ଆତଙ୍କବାଦୀ ଭଳି ! ଏଭଳି କହି ବିବାଦରେ ସାଇ ପଲ୍ଲବୀ